កន្លងផុតទៅ3ងៃហើយដែលថេយ៉ុងមកប៊ូសាន ហើយក៏ដល់ពេលត្រឡប់ទៅវិញផងដែល ដំឡុងពេល3ថ្ងៃមកនេះគ្មានថ្ងៃណាដែលថាមិននឹកជុងហ្គុកនោះទេ ។« យំទៀតហើយ? » តាមផ្លូវត្រឡប់ទៅសេអ៊ូលវិញ ជេអ៊ុនក្រលេកភ្នែកមើលថេយ៉ុងឃើញថាគេយំទៀតហើយ
« មានឯណា? » ថេយ៉ុងញញឹមសោះកក្រោះលើកខ្នងដៃជូតទឹកភ្នែក បែរមុខមើលទេសភាពខាងក្រៅ ជេអ៊ុនក៏លែងសួរនាំដេញដោល បន្តបើកឡាន ។
ងឺត...! ឡានជាន់ហ្វ្រាំងឈប់ ពេលមកដល់គោលដៅវិញ
« ស្ងាត់ម្ល៉េះ? » ជេអ៊ុនចុះពីលើឡាន ក៏មានអារម្មណ៍ឆ្ងល់បន្ទិចបន្ទួច សភាពផ្ទះស្ងាត់ជ្រាបឬក៏នាំគ្នារវល់រៀបចំពិធីមង្គលការ នៅកន្លែងណាផ្សេង ?
« បងប្រុស...! » ថេយ៉ុងដើរចូលមកក្នុងផ្ទះក៏មានសំឡេងមួយហៅ
« ថេវ៉ុន? » ថេយ៉ុងហៅឈ្មោះប្អូនតិចៗ ចិត្តនឹកស្មានតែគ្មានមនុស្សនៅរវល់រៀបចំកន្លែងសម្រាប់ប្រារព្ធពិធីមង្គលការបែរជាថេវ៉ុននៅទីនេះទៅវិញ
« ខ្ញុំមានរឿងចង់និយាយជាមួយ »
« រឿងអី? »
« រឿងផ្ទាល់ខ្លួន » និយាយរួចអូសថេយ៉ុងចេញ ហើយក៏មិនភ្លេចងាកមកនិយាយជាមួយជេអ៊ុនផងដែរ
« តែពីរនាក់បងប្អូនអ្នកផ្សេងហាមមក » ជេអ៊ុនលឺបែរនេះក៏មិនហ៊ានទៅ
« មានរឿងអីមែនទេ? » មកដល់កន្លែងស្ងាត់ក្រោយផ្ទះ ថេយ៉ុងឈប់ដំណើរហើយសួរប្អូន
« សុំទោស » ថេវ៉ុន
« សុំទោស? សុំទោសបងរឿងអី? » ថេយ៉ុងហាក់វីវល់មិនយល់ន័យ សុខៗក៏មកសុំទោសខ្លួន
« សុំទោសដែលកន្លងមក សម្តីមិនល្អដាក់បង»
« បងមិនបានខឹងឯងទេ »
« សុំទោសដែលខ្ញុំមិនល្អ សុំទោសដែលធ្វើអាក្រក់ដាក់បង សុំទោសដែលមិនយល់ពីអារម្មណ៍បង សុំទោសដែលអាត្មានិយមមិនព្រមទទួលស្គាល់ស្នេហាបងនិងជុងហ្គុក សុំទោសគ្រប់យ៉ាង »
« ថេវ៉ុន..! » ថេយ៉ុងហៅឈ្មោះប្អូនតិចៗគេពិតជាមិនយល់ពិតមែនតើមានរឿងអី ខ្លួនមិននៅផ្ទះតែ3ថ្ងៃសោះ ?
YOU ARE READING
🌸និស្ស័យស្នេហ៍🌸 (កូនភ្លោះ) 💕
Short Story" បន្ទាប់ពីឧបទ្ទវហេតុថ្ងៃនោះរួចមកបើកភ្នែកឡើងខ្ញុំក៏មានឈ្មោះជាគូរដណ្តឹងរបស់គេទាំងមិនដឹងខ្លួន " ថេយ៉ុង តើមានអាថ៌កំបាំងអ្វីកើតឡើងនៅពីក្រោយរឿងរ៉ាវមួយនេះ? ទាំងអស់នេះមាននៅក្នុងរឿង "និស្ស័យស្នេហ៍កូនភ្លោះ"