Chapter 63
“ချီယု..ငါမင်းကိုမျက်နှာသာပေးခဲ့တယ်နော်...” ယွမ်ရှင်းကျဲ အသံကအေးစက်နေသည်။
“အစကတည်းက ငါမင်းကိုလာရှာဖို့စိတ်ကူးမရှိဘူး..မင်းကိုယ်မင်း အထင်ကြီးလွန်းနေတာတွေ တော်ပါတော့..“
ချီယုမျက်နှာပေါ်ရှိအပြုံးမှာ အေးခဲသွားသည်။ သူကခုနကအထိ အနိုင်ရသူလိုပြုမူနေခဲ့သော်လည်း ယခုမူ မျက်နှာအားဖြတ်ရိုက်ခံလိုက်ရသလို ခံစားလိုက်ရသည်။
လော့ဝမ်ချွမ်းက နားကြပ်တပ်ဖို့လုပ်နေရင်း ယွမ်ရှင်းကျဲစကားသံကို ကြားပြီးသည့်နောက် နားကြပ်ကို အသာလေးပြန်ထားလိုက်သည်။
“ရှင်းကျဲ...မင်းအရင်က ဒီလိုမဟုတ်ပါဘူး..” ယွမ်ရှင်းကျဲ၏ အေးစက်စက်မျက်ဝန်းများကိုကြည့်ရင်း ချီယုနှလုံးသားတစ်ခုလုံး နစ်မြုပ်သွားသလိုခံစားလိုက်ရသည်။
“ငါတို့ ငယ်ငယ်ကတည်းက အတူတူကြီးပြင်းလာခဲ့ကြတာလေ..စေ့စပ်ထားတာဆိုလည်း ဆယ်နှစ်တောင်ကျော်နေပြီ...မင်းကအဲ့ဒီ့နှစ်တွေကို တကယ်ကြီးမေ့ပစ်တော့မလို့လား...”
လော့ဝမ်ချွမ်းက မှတ်ဉာဏ်တုကိုဖွင့်ကြည့်ဟန် ပြုလိုက်သည်။ သို့ရာတွင် သူ့အာရုံက စခရင်ပေါ်၌မရှိပေ။ ယွမ်ရှင်းကျဲကိုသာ မျက်ဝန်းထောင့်မှတဆင့် အကဲခတ်နေသည်။
“ကျေးဇူးပြုပြီး စေ့စပ်မှုအကြောင်းထပ်မပြောလို့ရမလား..” ယွမ်ရှင်းကျဲက အံကြိတ်လိုက်သည်။
“မင်းနဲ့စေ့စပ်ခဲ့ ရတာက ငါ့ဘဝမှာအရှက်ရဆုံးကိစ္စတစ်ခုပဲ..”
အဆိုပါစကားက ချီယုခေါင်းထဲတွင် မိုးကြိုးပစ်သလို မြည်ဟိန်းသွားသည်။
ချီယု မူလကိုယ်အား ပြောနေကျစကားပင်။
ယွမ်ရှင်းကျဲက သူပြောဖူးသည့်အတိုင်း ပြန်ပြောလိုက်ခြင်းသာ။
ချီယုက အသက်ရှူရန်ပင်ခက်ခဲလာခဲ့သည်။ သူကလက်သီးဆုပ်လိုက်ရင်း “ရှင်းကျဲ...ငါတို့မိတ်ဖက်ဖြစ်နိုင်ချေ .၈၉ရာခိုင်နှုန်းတောင်ရှိတာလေ..မင်းဒီတိုင်းကျော်သွားနိုင်လို့လား.…”
ယွမ်ရှင်းကျဲက ထူးမခြားနားကြည့်လိုက်သည်။ “ငါသိပါတယ်...”
YOU ARE READING
အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)
FantasyDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...