In the Dark

49.

"Wah fi breakfast?" Mi literally just wake up and deeven brush mi teeth yet and dem people yah a bomb rush me.

"Wull a unnuh try know say me expect 50 50k each from all a unnuh fi keep unnuh pickney dem and feed unnuh by later inna mi account yer."

"No problem miss money pest." Said Tristan as I closed my bathroom door to go get ready for the day.

Dem mussi feel like a 10 stars hotel dem deh, so if a 10 stars hotel service dem wah, den a 10 stars hotel service dem ago pay fah
~

"Bwoy Thea cah cook. Deeven dumpling she cah fry." Criticized Travis with each bite that he took.

"So if she cah cook weh yah go wid cover dish?" Inquired Tristan as he went for round three.

Dem bwoy yah will eat all di wall dem pan di house enuh, dem terrible bad.

"Affi mi dawg den bad man. Pass di pancake syrup and di butter when uh done. Nuh egg and franks leff?"

Think him did say mi cah cook.

"Uh deeven have dog. Uh sure say annuh one a uh gyal dem yah bring food fah? Caz mi know say uh cah cook, and like uh love wukless woman weh only know how fi stand up inna KFC line."

"Uh brite and stink like. Me a top chef. Gordon Ramsay call me fi help him cook. Me a 10 star Michelin." I couldn't help but laugh, caz like Travis him Eva deh pan sumn strong.

"Michelin stop a 3 duncebat."

"Fuckry day." He kissed his teeth closing his cover dish before leaving me and Tristan in the kitchen, and I looked at the amount of dishes already in the sink, and I started to sing 'Amazing Grace' as I left and went to my room.

All mi know say tho is that mi nah wash up ntn.

Deeven as likkle as a spoon.

~

"Unnuh nuh wah mek we gah riva? Come mek we go riva nuh." Suggested Meila as we all sat in the living room, and everybody groaned.

"Uh nuh touch enough water Sunday already? Think a you did say uh Neva like bathe." She threw a pillow at Tristan.

"Anty I want big foot." Amir tugged at the pants, and I sighed turning my phone off giving him my attention.

"Uh madda deh right deh so enuh. Uh obsessed wid me?"

"Di youth say him it from you, and as a human being him have rights." How Travis can chat so?

"Please." How can I say no to him, especially when he says please?

"Alright, but we affi go over the shop fi buy it yer? Gwan fi uh slippers."

"Weh unnuh a go?" Asked my dad as we walked pass him on the veranda.

"Shop."

"Buy one cream crackers fimme deh." He handed me the money, and I held Amir's hand as we crossed the road going over to the shop.

"Serve." I called and waited a bit till the shop keeper came, and as soon as I ordered and got my stuff and was ready to pay, someone came up to the shop, and I stepped aside to give them pass.