"Thea uh coming or not?"
"Yes." I sighed as I put my crocs on after grabbing my ear buds and placing them in my hoodie pocket, leaving the house and going to sit beside Amir in the car.
"Uh have a uh key?" My mother asked as I adjusted my seat laying back after putting my ear buds in and pulling the hood over my head.
Dem ago run couple errands today so me just ago go wid dem caz mi inna di house all week and if I stayed home I would have to watch Amir and mi nuh inna dat shit, plus I needed to pick up some things for my trip.
"Amir turn down uh iPad nuh." I groaned kissing my teeth as my ear buds died one after the other now me affi listen to baby shark till we reach back home, and we just left.
"Amir."
"Amir!" I hit the side of his car seat, but he just looked up at me momentarily then went back to avoiding me.
Den dah likkle bwoy yah real?
"Amir tun dat dung before mi affi lick uh wid sumn."
"Okay, but a you ago be di one fi dead if uh lick ni enuh anty." He said calmly as he shrugged, and I scoffed looking at my parents in the front seat fi confirm if me really just hear wah mi just hear.
Den dis yah nestum drinking, car seat sitting, 3' gremlin yah really just say dat to me???
No sah him cah just say dat to me.
Mi tell Tristan already enuh, caz mi nuh know why him still allow Travis fi watch him already bad breed pickney and di both a dem done so alike.
"Thea uh have credit? Call Athena and tell har say we ago pick har up."
"Call har pan wah Alesha?" I sighed annoyed as I played subway surfers on my iPad.
"Oh yeah. Fi gat say uh say u phone lost." Yh mi lie to har so wah??
Uh really think mi woulda tell she much less Tony say di people dem boy pickney shot up mi phone???
"Uh nuh ready fi tell we a Gwan wid you and Xavier now?" She inquired, and I rolled over on my side facing the car door, caz just simply the mention a him name mek mi wah bawl and mi a bad man, mi nuh bawl.
"Alesha leave har alone nuh. Yah ask har dat from week, and uh see say she nah ansa." My father came to my rescue as always.
"A dat she fi get caz mi did tell har say she nuh ready fi no man yet." Said the lady who had a whole ass toddler at my small age, but okay.
"Him Neva lick har caz she nave no bruises, so come outta people business."
"Yah tell people fi come outta people business when uh fi a focus pan your own and stop drive so fast." Ah bwoy. Here comes the arguing.
"Thea talk to uh fadda nuh! Just caz mi tell him fi slow dung caz him a drive wid him family, him a drive at 10 fi di spite. Mi well wah police stop uh essi." She kissed her teeth, and I ignored dem.
She always tell mi say when she and har man inna things nuffi get involved caz dem ago turn back fren while me still have up one a dem.
"Police can stop mi fi a drive wid caution wid ni family?" He added more fuel to the fire as he chuckled.
"You Gwan same way man. Ticket uh fi get." She brushed off his hand that rested on her leg.
"Then what is a ticket fi pay?" He teased as he sped up, and mommy looked out the window folding her arms.
Den dem say me petty, and a dem two yah a mi parents.
"Daddy." Amir began to call, but daddy Neva hear him ca him and mommy still did a mumble and a go back and forth.
YOU ARE READING
In the Dark
Romance"Uh look so like uh see duppy mumma. Or a uh reflection uh see?" Asked the driver, and I squinted as I tried to get a good look of his face, and he chucked and turned on the roof light when he realized, and I kissed my teeth and rolled my eyes when...
