اليوم كل الليل عم احلم فيك كأني كنت معك طول الليل و قعدنا نحكي و سألتك كتير اسئلة و ضحكنا و كان كلشي كتير كتيررر حلو و فقت مرتاحة. مبارح ظليت ٣ ساعات ناطرة دوري عند دكتور العيون ما عاد فيي اوقف على اجري لأنو كنت واقفة كل وقت بس الحمدلله طمني الدكتور انو عيني ممتازة و كلشي تمام و عندي مراجعة و صورة بعد ٦ شهور. كنت تعبانة كتير لأنو من بعدا رحنا منطقة ابعد شوي عم نبرم على غراض للشقة و هيك، انا و عم قلب بالتيك توك بالليل قبل ما نام لقيت خيو لهيداك فاتح لايف و عم يطق حنك فاتح جولات مع عالم و عايش حياتو طبيعي، كتير عصبني الموضوع فتت على صفحتو الحمدلله مش منزل شي غلط كلو اشيا سخيفة. من بعدا نمت دغري لأنو عندي شغل الصبح كمان من شوي خلصت جزء بسيط و حبيت اكتبلك، بعد شوي رح ارجع كفي شغل. قد ما مشغولة و تعبانة هل ويكند ما لحقت اعمل ولا شي مطلوب مني من الجامعة و قربنا نخلص بعد كم أسبوع امتحانات نهائية و كلشي فايت ببعضو. لهلق عم فكر بالحلم و انبسط كان كتير حلو و حقيقي و بيريح النفسية. تقبر قلبي ان شاء الله، شوفتك كتير بتريحني و بتبسطني. كلشي بيذكرني فيك ابسط الامور و بشتقلك، اصلاً كل وقت مشتاقتلك يا عمري. مستحيل يجي نهار انساك او انشغل بتفكير بغير شي، بحب كون عم فكر فيك كل الوقت. كتير كتير كتير كتيرر مشتاقتلك و لكلشي فيك و حابة اتأمل بعيونك الحلوين و امسك ايدك و شد عليا كرمال حس بالامان و الراحة. حابة اسند راسي على كتافك و اغفى و ما عاد فيق ابدًا، و يا ريت موت انا و بحضنك كمان لأنو ما عاد بدي شي من الدنيا غير قربك. انت اهم و اغلى شخص عندي و حياتي بلاك كتير كتير بشعة، ان شاء الله ينحل كلشي و نرجع نحكي و اتطمن عليك متل قبل. دخيل قلبك شو بحبك، ما بس بحبك بموووووت فيك و بعشقك عشق مش طبيعي.. الله يخليلي ياك و ما يحرمني منك ابدًا.. انت هدية من عند الله و انا بشكر الله لأنك بحياتي و انا كتير محظوظة فيك نيالي ١٠٠ مرة فيك و بحبك و مشاعرك تجاهي، هيدا احلى شي و احلى انجاز بالدني انو وصلنا لهل مرحلة. بحبك بحبك بحبك من كل قلبي انت حياتي انت كلشي بالنسبة الي، انا بلاك بموت. بدي ياك معي دايمًا بدي نقضي عمرنا سوا و نكبر سوا و ما نفترق ولا لحظة. انت الشخص المناسب يلي بتمنى كون معو و اتزوجو و اعمل معو احلى عيلة. رح ظل على امل يصير يلي بدي ياه لو الامل كان ١٪ رح اتمسك في و كفي معك لأخر لحظة. ما بعرف ليش كل ما اوصل لمرحلة اقتنع ما فينا نكون سوا بزعل و بيصير بدي اتحدى حالي و كلشي و قول لا هيدا هو الشخص يلي انا بدي ياه ما بيصير اتخلى عنو شو ما صار لازم ظل ناطرة و قوية حتى لو تعذبت بس كرمال كون مع الشخص الصح مستعدة اعمل كلشي.. عقلي ضايع و انا ضايعة و في ١٠٠ فكرة براسي و عم حاول هدي حالي و فكر منيح بكلشي عم اعملو و وين بلاقي مصلحتي.. اكيد انا مش بلا عقل ولا بنت عايشة بوهم بعرف في اشيا صعبة كتير و مش كل شي بدي ياه بيصير بس كمان بعرف مافي شي مستحيل عند الله و بقول يمكن كرمال هيك نحن تعرفنا كرمال نكون سوا بالاخر.. والله ما بعرف شو صح و شو الغلط و اذا لازم الحق عقلي او قلبي، هيدي مشكلة كبيرة بتمنى ما تكبر معي اكتر و عيش بضياع اكبر و ضيع انا و ضيع كلشي بحياتي.. كل يلي بعرفو و متأكدة منو انو مافي منك بكل الدني و بحب كون معك و بحبك و بدي ياك و بدي حبك و بدي تحبني و بدي نتهم ببعض و بدي كتير اشيا معك انت و بس لأنو ما عم اتقبل حدا غيرك و انت كتير مأثر فيي و ما عم اعرف لا اتخطاك ولا انساك ولا بطل حبك. بدعي من كل قلبي الله يخفف عنك و ينصرك و يقويك و تنحل كل مشاكلك حتى تكون مرتاح و تبلش تبني حياتك من اول و جديد يا روحي انت. رح تبقى دايمًا بقلبي و اعز و اهم انسان و سبب سعادتي و قوتي و التفائل و الامل.. انت سبب كلشي حلو بحياتي و انت حبيبي و ما حدا بياخد مطرحك ولا حدا قدر يوصل لجوا قلبي متلك انت. بحبك كتير كتير.. والله لو بكتب جرايد الدني ما بقدر عبر صح متل ما انت بتستاهل و بتستحق لأنو كل هيدا قليل عليك و ١٪ من كلشي انا بحسلك ياه يا قلبي. مشتقلي؟ عم تفكر فيي؟ عم يعجبك كلشي عم اكتبو او لا؟ يا ريت فيي اعرف كلشي و ريح قلبي. هيك عبالي اقعد بعقلك و اعرف كلشي عم يدور براسك و خاصةً الافكار يلي بتخصني بحب اعرف شو بتفكر و شو بتتذكر من اشيا بتخصنا و شو اكتر شي بتحبو و بتتذكرو.. بحب اعرف تفاصيل بحب اعرف ايمتا بلشت تحبني و شو الشي يلي ما نسيتو فيي او اثر فيك كتير لدرجة صرت تحبني، دخيل حبك انا. انا اكتر بنت محظوظة بالدني لأنو عندي ياك بحياتي و بتحبني. يا ريت فيي غمض عيوني و افتح عيوني لاقيك حدي و اعبطك اقوى عبوطة و ظل عم شد و شمك و بوسك غرقك بوسات و ظل عم اتأمل بعيونك و اسمع صوتك و ضحكتك و شوف حركاتك الحلوين و دوب فيك و حاول اشبع منك و ما خليك تروح ولا ثانية بدي زهقك مني بدي غرقك حب و اهتمام و مشاعر و كلشي حلو انت بتستاهلو. يا ريت كلشي بينتهي بسرعة و منرجع لبعض انا عنجد ما لحقت اشبع منك ما بيصير هيك تعبت و انا ناطرة بدي نتيجة حلوة، حرام كلشي بيناتنا يروح هيك. لازم نكون سوا بأي طريقة حتى لو اصدقاء او ما بعرف عنجد المهم اتأكد انك مرتاح و قدام عيوني ما بدي غير هيك، ما رح كون انانية و فكر بعلاقتنا و بس. عندي سلامتك اهم من كلشي، الله يحفظلي ياك يا اغلى ما عندي. بحبك.
