كنت مقررة اكتب بالليل لأنو الصبح ايام الجامعة ما بلحق بس ضروري احكيلك انو حلمت فيك. حلمت انو انا وياك عم نحكي على التليفون و اكتر من قبل و قلتلي بدي خبرك اشيا معينة بس بشكل غريب كأنو شعر او لغز عن عالم جاين على البلد و ما فيك تحكي عنن شي. قلتلك اوكي و بعدين فجأة انت زرتني ببيتي بس كان بيتي القديم و كان شكلك كتير غير و ستايلك غير الشي الوحيد نفسو هو انك لابس كاب بس الغير انك لابس جينز غريب و توب بلا كمام مسكرة على الرقبة يمكن لون اسود و مخفف دقنك شوي. قعدنا بوج بعض و حكيتلي كتير اشيا منون انو نحل كلشي و انو حياتك تغيرت و انا ظليت كل شوي قرب امسك ايدك بعدين حطيتلك فواكه و باقي الحكي ما بتذكروا. بعدين اجت ماما و انا بس تطلعت فيك و هي عرفتك دغري و صارت تحكيك و تسأل عنك و بعدين اجا بابا كمان و قعدتو تحكو عن اشيا بالبلد و انا خبرتن انت شو حكيت قبل ما يجو و كنتو متفاهمين كتير لحتى اجا وقت تروح ما قبلت و مسكتك من ايدك قدامن و انت كنت مستحي منن ما بدك قرب بس قلتلك لا خليك بعدين قلت طب ظلك احكيني و ما تغيب حاول تكتب بالليل كم مسج او انو ما بيهم اذا مش مفهومين بحاول افهمن بعدين. و ذكرتك بهيدا الكتاب و قلت رح ظل اكتبلك و انت اذا قادر ترد رد و دمعو عيوني و انت كنت متأثر معي كتير حطيت ايدك عليي علم ايدي و كتافي صفنت بعيوني و خلص الحلم. انا ما بعرف عقلي شو مخزن تطلع هيدا كلو بالحلم بس كل يلي بعرفو قد ما بالي فيك عم احلم هيك اشيا غريبة ما الها معنى. بتعرف اكتر شي انبسطت في هو لما مسكتك حسيت فيك عنجد يعني بحرارة جسمك و ملمس جلدتك كأنو عنجد ايدي كانت على ايدك و عنجد لمستني من ايدي و كتفي و كنا عم نتطلع بعيون بعض و صافنين كمان حسيت عنجد صار هيك لأنو طولنا بهل نظرات. بدعي لالله تكون بخير وين ما كنت و الله ييسرلك امرك يا قلبي. صباح الخير يا كل الخير انت. ❤️
