الله لا يحرمني من صوتك و ضحكتك و هضامتك و حنيتك يا قلبي انت دخيل كل تصرفاتك شو حلوين و وجودك شو بيريح. بدي اثبتلك انو وجودك الو عليي تأثير حلو و ايجابي من اول فترة لهلق انا كتير تغيرت بسببك صرت اقوى و انضج و اوعى و صرت صلي و اقرا قرأن كل يوم و صرت ادعي اكتر و اتقرب من الله و صرت رايقة اكتر و صرت افهم اكتر و صرت مرتاحة و مبسوطة لدرجة لأول مرة بحياتي بنصح بفترة سريعة و صرت دايماً متفائلة و عندي امل و برفض كل الافكار السلبية و صرت اتحدى حالي و حاول حسن من حالي و صرت قوي حالي و اصبر كرمال كفي معك.. انت احلى هدية من الله انت نعمة انت سبب سعادتي انا بس ببكي لأنو ما بدي اتخلى عنك و كفي بلاك انا بدي نظل سوا طول العمر ما بدي شي يفرقنا انا عنجد بلاك بموت صدقني مش عم بالغ ابدًا. انت مش عبء ولا عم تأثر عليي بطريقة سلبية ولا عم تظلمني انت حليت حياتي و خليتني حب عيش و خليتني اتأمل فيك لحتى يجي نهار نكون سوا. صوتك بقلبي، مش عم انسى الحنية يلي بصوتك و كيف عم تضحك و تحكي.. صوتك بيقتلني. انت نقطة ضعفي، الدنيا بكوم و انت بكوم تاني ما حدا في يوصل لمعزتك عندي و حبي الك ما بيتكرر. عم اعطيك كلشي بحسلك ياه كل الحب و الاهتمام و المشاعر و ياريت فيي عبر او اعطي اكتر بدي غرقك بحبي بدي ترتاح معي و تشوف الخير معي انا و بس. يا ريت فيي ساعدك و كون حدك اكتر و اهتم فيك ما خليك تحتاج لشي ابدًا بدي ياك تكون مبسوط كل وقت. انا ما بقدر بعد عنك لو شو ما صار الفكرة لوحدا بتقتلني بختنق ما بقدر والله بحس انخلقت لألي و لحتى نكون انا وياك سوا مستحيل يكون سبب تعارفنا غير شي انا عندي احساس متأكدة انو في شي حلو ناطرنا و عنجد هل شي بحس رح يصير لو طول شوي انا بنطر ماعندي مشكلة، ما تعطل همي. طول ما انت معي انا بخير و مرتاحة النطرة ما رح تخسرني شي بالعكس رح اربح او اكسب شي كتيررر حلو و بدي ياه من زمان و ما بيتعوض. بحبك بحبك بحبك من كل قلبي بحبك و بدي ياك و بعشقك ما بقدر اتركك انت حبيبي و عيوني و كل دنيتي. الله يحفظك و يقويك و ينصرك يا عمري انت.
