كلمة مشتاقتلك قليلة كتيرررر كتير كتير بالنسبة يلي عم حسو تجاهك، كتير كتير مشتاقتلك و حابة نحكي عم عد الايام يمشي حال الواتس اب و تحكيني. انا هلق على طريق رايحة للجامعة و تعبانة كتير ما عم اعرف نام ابدًا الله يستر شو رح يصير فيي بسبب قلة نوم و تعب. كل ما اجي نام بقلق كتيررر و راسي ما بيهدا افكار لحتى اتعب و اغفى بس بيكون صارت شي ٤ صبح كل مرة هيك و هلق عم فيق ٦ صبح مجبورة كرمال الجامعة و الامتحانات ممنوع اتأخر. يا قلبي انا مشتاقة لصوتك قد الدني صارلي زمان مش سامعتو يا ريت لو فينا شي نهار نحكي صوت و اشبع من صوتك شوي. اكيد مشتاقتلك كلك كلك بس هيدا شي وحيد فينا نعملو حاليًا و انا حابة شوفك كتيررررررر كتيرر اكتر ما بتتخيل. متل هيك ايام من سنة كان عندي امتحانات كمان و انت جيت لعندي و اخدتني و جبتلي ورد حلو متلك و غنجتني و بسطتني دخيل قلبك الله يخليلي ياك يارب. كل لحظة معك هي من احلى لحظات بحياتي و انا ما بنساهن لأنو انت حياتي. لو تعرف شو بحبك و بخاف عليك و بشتقلك كنت من زمان خطفتني و حطيتني عندك كل وقت، كلشي بحسلك ياه بحسو x100 يعني مافي مشاعر طبيعية كلووو اوفر. مبارح ما عرفت نام الا ما اتخيل انت المخدة و نايمة عليك كرمال حس براحة و امان و اقدر اغفى و ارتاح من كلشي. انت احلى هدية و رزق من الله و مستحيل مستحيل استغني عنك انا بعرف قيمتك و بحبك و كتيرررر فخورة فيك و مبسوطة انك حبيبي. بحبك بحبك، انتبه على حالك عمري.
