اليوم و مبارح كل وقت عم تشتي وهل طقس كتير بيذكرني فيك بشغلتين، اول شغلة لما شفتك و كانت عم تشتي ب ٤-١-٢٠٢٣ و ٥-٢-٢٠١٤. اول مرة لما جيت لعندي و قعدنا بالسيارة و مشينا شوي و تاني مرة بس جيت لعندي و كانت عاصفة و مشينا شوي و قعدنا سوا و رجعنا مشينا و تعشينا سوا، بتذكر البرد كان مش طبيعي و خفت عليك و انبسطت كيف جاي كرمالي بهل طقس. بتذكر كمان بوقتا قبل بفترة كان عندي فديو و حاطين في اغنية لفيروز "قديش كان في ناس" و بالفديو بتقول و انا بأيم الصحو ما حدا نطرني.. و وقتا انا بتعرفني بس كون هبلة قعدت فكر انو اي صح انا مين بدو يجي كرمالي بأيام شتا و تركت الفديو عندي. بعد ما شفتك و هيك تذكرت انو انت جيت كرمالي وقت عاصفة و دغري رحت محيت الفديو لأنو ما كان لازم فكر هيك و بعرف انك بتعمل كتير اشيا كرمالي بس المسافة بيناتنا كتير كبيرة كرمال هيك مافيك و بعرف ما يتقصر و حسيت بالذنب انو فكرت بهل طريقة. تاني شي بتذكرو بهل طقس لما انت غبت عني و انا اكتشفت شو صاير و نهاريت، كان في كتير كتيرررر شتي و رعد و فيق من نوم على صوت رعد و هلوس فيك و ادعيلك.. ذكرة كتير بشعة يا ريت ما تنعاد. انا كتير مشتاقتلك حبيبي، كتير كتير. عم فكر فيك دايمًا و بالي معك كل وقت. انت مسيطر عليي و على افكاري و على قلبي و عقلي و كلشي فيي.. هل الوقت كلو كل ما تكبس شتي بدعيلك بيقولو الدعاء وقت الشتي مستجاب، ف انا عم حاول بأي طريقة لاقي دعاء قوي او فرصة لدعائي يستجاب. كتير بيهمني انك تكون مرتاح والله انا كمان برتاح كتير لأنو بالي مشغول فيك كل الوقت و ما بحب انت يكون عندك مشكلة بحس المشكلة مشكلتي انا. كيفك يا عمري؟ ان شاء الله كلو تمام؟ عنجد كتير مشتاقتلك كتير عبالي شوفك و كون حدك و اشبع منك كتير عبالي اسمع صوتك و كون بحضنك.. ليش الحياة بعدتنا عن بعض هيك؟ نحن ما منستاهل و لازم نكون قراب دايمًا. ما لحقت اشبع منك و اصلاً مستحيل انا اشبع منك بس هيك انو حس حالي شوي بلشت اشبع احساس حلوو. اصلًا انت كل المشاعر و الاحاسيس معك حلوة حتى لو كان زعل كلشي منك حلو دخيل قلبك شو بحبو. انت اهم شخص بحياتي انت كلشي بحياتي و ما بزعل منك انا عندي وجودك بحياتي اهم شي بالدني. ما بتتخيل شو مشتاقة و عم اتخيلك حدي و فكر فيك كل وقت اتخيلك نايم حدي كرمال حس بالأمان و اغفى و صير بعالم تاني نام نومة عميقة.. شايف تأثيرك عليي؟ عنجد مشاعري الك كتير كتير كتير كتير، لا بتنوصف ولا بتنقاس ولا فيي عبر عنن لأنو بيطلعو قليل و يلي جواتي كتيررر و لازم تعرف انو بحبك حب مش طبيعي!! مش حب عادي ابدًا. يعني عنجد اوقات بقعد بسأل حالي شو السر ورا كل هل حب، شو السبب؟ ليش هلقد بحبك و متعلقة فيك؟ لا و كمان معندة و متمسكة فيك رغم انو الامل نكون سوا كتير قليل! بس قلتلك قبل انا هيك مرتاحة و الحمدلله، الله يعطيني الصبر و القوة حتى انطر اكتر و اخيرًا نكون سوا. ما بتتخيل انا شو بقعد بخطط لمستقبلنا و بتخيل اشيا و سيناريوهات كلن عني و عنك و نكون متزوجين و عايشين حياة حلوة بعد تعب سنين و عندنا ولاد كيوت متلك، عنجد هل افكار و تخيلات كتير بيبسطوني و بيريحوني و بيعطوني امل انو لازم اصبر لأنو كلشي بعدين رح يكون حلو و بيليق فينا. هيك بحب كون متفائلة على طول و اتخيل اشيا حلوة كرمال هون على حالي النطرة. بتعرف انت عندك احلى عيون بالدني؟ عيونك بيجننو بياخدوني لغير عالم بس اتطلع فيهن و كل وجك حلو حتى دقنك و شفافك و رموشك و خدودك و حواجبك و جبينك و شعراتك و كلشي كلشي فيك حلو سبحان الخالق، ان شاء الله بيقبرني جمالك. انت احلى شب بكل الكون ما بعمري شفت احلى منك الله يحميك، ما شاء الله. انت ليش هلقد حلو؟ انا بغار كتير شو بعمل؟ مرة بتذكر انا حطيت شي على الانستا ايام الاكاونت القديم box ينحط في اغاني و انت حطيت "جمالك جمال" هون كنا قبل ما نحكي كتير و نصير نحكي واتس اب. بعدني لهلق بتذكر كتير اشيا حلوة بيناتنا انت احلى شي صار بحياتي و احلى فترات عشتن كانو معك. الله يحفظك يا قلبي انت، بحبك قد الدني.
