صباحوو قلبي، صرنا ظهر و انا عم قلك صباحو لأنو من شوي فقت. كتير برتاح و بنبسط بس تحكي معي مدة طويلة كتير بيتغير مزاجي و بيتحسن، مبارح حكينا ٦ ساعات و نص تقريباً.. احلى وقت بيومي هو الوقت يلي بقضي عم احكي معك او عم اعمل شي كرمالك متل انو اكتبلك او اتأمل بصورتك. عندك تأثير عليي مش طبيعي بكلمة منك بصير بغير عالم و بنبسط و بيتجدد الامل عندي و القوة و برتاح كتير. بس نحكي مدة طويلة بحس كأني كنت معك و قعدنا سوا، فقت كتير مبسوطة سألت حالي ليش و شو في فكرت حالي حلمت بشي حلو طلع لأنو حاكين قبل ما نام بعدو التأثير عليي. الله يبسطك على قد ما بتبسطني اضعاف يا رب و ينصرك و يطول بعمرك و يقويك و يحفظك الي. لما قول "الي" او حط "ي" التملك هيدا لأنو انت الي. ما عم صدق صرلنا سنتين و خمس ايام منحكي مع بعض و ما قدر شي يفرق بيناتنا كل هل فترة و كل مرة نتخانق منرجع اقوى و اقرب من بعض، يمكن الفضل الي لأنو انا ما بتركك ابدًا بس ما فيك تنكر انو انت كمان بدك نظل نحكي. دخيل اعترافاتك شو حلوين و كيوت متلك، صح بشحد منك الكلمة شحادة بس على الاقل عم انجح و اعرف اشيا حلوة كتير. بأذن الله كلشي رح ينحل و يتحسن و رح نكون سوا انا وياك و منعوض كل الايام يلي مرقت و نحن بعاد عن بعض، و وعد ما بحكي كتير كرمال ما تزهق مني و تفكر بالعة راديو. تخيل بالاخر بعد كل هل تعب نتطلع انا وياك ما منتفق ابدًا و كل هل نطرة على فاضي، عم امزح بس اكيد اذا كان في شي ما بتحبو فيي بغيرو كرمالك و انت كمان بتتغير كرمالي، ولا بس انا؟ اخ يا ربي ما احلاك ليش هيك انت حلو من جوا و من برا و انا مجنونة فيك و بحبك و ما قادرة اتحمل لازم يمرق وقت بسرعة و نجتمع و اشبع منك و حبك براحتي كل وقت كل دقيقة و ثانية من يومي كون عم حبك و اهتم فيك. اوقات بكتب و برجع بكفي بعدين لأنو هيدا بلشت في ساعة ١٢ و بعدين وققت و رحت افتح صف و اكلت هلق ساعة ٣ عم كفي بالجزء. تخيل رح يصيرو ١٠٠ جزء قريبًا، شي غريب صح؟ غريب و حلو و مميز لأنو ما حدا عامل متلو، مين بيكتب كتاب لحدا في قريب ال١٠٠ جزء؟ هلق صارت ساعة ٥ عملت اكاونت تيك توك و عم نزل اشيا حلوة، الاكاونت اسمك و بعدين نقطة و بعدين lover عم حاول شوف كيف احسن طريقة اوصل لأكبر عدد مشاهدات و تفاعل و هل اشيا و ناطرة شوف نتائج كرمال اعرف شو زبط و شو لا. يقبرني جمالك حطيتلك صور حلوين بس خايفة تحبك شي بنت لأنو مش وقتا ابدًا. بتصدق ست ساعات و نص مش كافي حكي و شتقتلك؟ اول ما قلنا باي فقدتلك و بلشت اشتاق و هلق كمان، هيدا صار ادمان والله. بحبك كتير كتير، الله يحفظك يا قلبي انا دايمًا موجودة حدك و عم ادعيلك بالخير. الا ما يجي يوم و يتحقق كلشي عم ادعي في.
