https://www.instagram.com/reel/C8xun4mNqW7/?igsh=MWhza2Frajdmam1sOQ==
هيدا شكلي انا وياك لما تقربنا اخيرًا ضعت مني و بقيت لوحدي و افكاري عم تدمرني و حاسة ضايعة بلاك و ما بدي افقد املي ولا بلش افكار سلبية و اضعف قدام مصيرنا المجهول بدي ظل قوية ما بدي يجي يوم تبعد عني نهائيًا ولا بدي فكر انو هل احتمال ممكن يصير بيوم من الايام. يا ريت يخلص كلشي على خير و نقدر نكون سوا و تقلي بدي ياكي و تقلي صار فينا نتزوج بعد صبر طويل و تقلي انك ناطر هل لحظة من زمان و تقلي حابب تعيش معي طول العمر. يا ريت نصير متلنا متل باقي العالم و اقدر اشبع منك و كون معك بكل لحظة و يبطل في عوائق و عراقيل بعلاقتنا. يا ريت يمرق وقت بسرعة و يكون كلشي من صالحنا و اقدر حقق حلمي و تصير الي عنجد و خليك تحبني اكتر و اكتر لدرجة يصير حلمك كمان كون الك و نصير حلال بعض و نقدر نعمل كلشي بدنا ياه و نعوض كل الفترة يلي كنا فيها بعاد. كتير بحبك انا، بتعرف هل شي؟ كل ما اجي ازعل على حالتنا سبحان الله فجأة بيصير عندي امل ارجع كفي و صير اقوى، كأنو الله ما بدو ياني اضعف و بدو ظل معك. يا ريت و بتمنى كل صبري ما يروح على فاضي، فداك كل عمري بظل ناطرة بس على الاقل يكون في شي حلو بنهاية طريق مش اتعذب. ما بدي اندم انو تركتك ولا بدي اندم انو ما صبرت معك و ما بدي يجي يوم حسك عم تضيع من ايدي و عيش حياتي بلاك و تصير وجع العمر. يا ريت تكون مبسوط فيي و عم تقدر يلي عم بعملو كرمالك و ما تنساني و تحاول قد ما فيك ما تضر حالك كرمالي لأنو انا عايشة كرمالك و على امل كون معك مش لأي سبب تاني و بتمنى عنجد اذا رح اتعذب بالمستقبل شي يوم نام و ما فيق و ارتاح من عذاب الدنيا. يا ريت تكون عم تفكر فيي متل ما انا عم فكر فيك و تكون ملاحظ حبي الك و تعلقي فيك و كل مشاعري و اهم شي وفاءي الك و كيف عم كون صبورة لأنو بحبك و بدي ياك رغم ظروفك الصعبة. انت حاسس فيي يا عمري؟ حاسس بحبي و تعلقي و مشاعري؟ حاسس انو بلاك ما بعرف عيش و بدي ياك؟ حاسس فيي و حاسس متلي؟
