شتقتلك يا عمري، بعتذر مش عم اقدر اكتبلك لأنو تعبانة و حاسة حالي مريضة و عندي خمول مش طبيعي. كيفك؟ عنجد كتير شتقتلك و بالي معك. مبارح سهرت للصبح عنم ادعيلك و ابكي عليك، ما أجاني نوم الا ما فضفضت لالله و دعيتلك. يا رب الله يسمع من دعائي و يفرجها عليك. لأول مرة نمت قريب خمسة صبح، عادةً ما بسهر هلقد يعني شي ١ بكون نمت. ما اجاني نوم من كتر تفكير و ماعندي مين يسمعلي و يفهمني. يا رب تكون منيح و مرتاح كرمال انا كمان ارتاح. اليوم شفت فديو مكتوب اذا شخص مش عم يطلع من قلبك يعني هو الك و الشخص المناسب و هيدا مطرحو المناسب. و انا بحس انت عنجد الشخص المناسب و بتستاهل تكون جوا قلبي.. حبي الك ما انخلق متلو بالكون كله، مستحيل حدا يحب حدا متل ما انا بحب. بحبك بجنون بموت فيك انا و بعشقك. يعني عنجد لو ما الجامعة و كم شغلة ملتهية فيهن كنت متت من القلق و التفكير فيك، حتى انا و بنص انشغالي بفكر فيك و بلهي حالي حتى ما ضيع وقت و اخسر شي. كل ما بلش فكر بشي سلبي دغري بلهي حالي بالدعاء و بتفائل و بتمنى كلشي بدنا ياه يصير و بتخيل مستقبل حلو النا. انا حسيت بالحب الحقيقي معك و ما بعمري حسيت هيك احساس مع غيرك يعني انت اول و اخر حب بحياتي و انا مستحيل حس لحدا نفس يلي عم حسلك ياه. انا بحس كتير كتير صعب اطلع منك و كفي حياتي بلاك. انا بدي ياك على طول و رح ظل حبك و اتمناك و حاول لأوصلك مهما كان الطريق صعب. كانو يقولو عالم انو البعيد عن العين بعيد عن القلب، مش مزبوط هل شي ابدًا! انت كل ما تغيب و كل ما تبعد بحبك اكتر و اكتر و بيصير بدي ياك اكتر. انت بعيد عن عيني بس ساكن بنص قلبي و هل قلب انخلق كرمال يحبك و بس. بشكر الله انو تعرفت على حدا متلك و حبيتو، انت حليت حياتي و غيرتني و انا كتير محظوظة فيك. نيالي فيك. مستحيل لاقي متلك لهيك بغار كتير كتير عليك و بجن و بعصب اذا عرفت بنت حكيت معك او شي.. اما البنات يلي كنت معن قبل، بموت من غيرة بس اتذكر انك قربت على بنت غيري و هي انبسطت فيك و شبعت منك و انا لا. و بغاااااار كتيرررر من حبيبتك القديمة ليش هي طلعلا هيدا title و انا لا. انا البنت الوحيدة بتستاهل تكون حبيبتك و انا الوحيدة يلي بتستاهل تحبا و تكون معك. ممنوع تفكر ببنت غيري انا بجن و بغار و ما بتحمل ابدًا. الله يخليلي ياك يا قلبي، انا بلاك ما بقدر عيش انت اهم شخص و اغلى شخص، ما في شي اهم من وجودك بحياتي يا سعادتي و قوتي و كلشي بالنسبة الي. الله لا يحرمني منك و الله لا يضرني فيك، بحبك بحبك بحبك. يا ريت فيي هلق كون حدك اجي اقعد بوجك و ظل اتأمل فيك للصبح و غازلك و اغرق بعيونك الحلوين و بوسك و اعبطك اكبرررر عبوطة بالدني و امسك ايدك و شد عليا كتير. بدي الزق فيك لحتى تزهق مني و تبهدلني انو صرت اقوى من altico. هو صراحة اكيد انا اقوى و مش ناطرة تخبرني لأنو عندي ارادة رهيبة و معندة و بدي ياك كل هل وقت و مش عم ازهق. دخيل قلبك دخيل روحك دخيل كلشي فيك دخيل الله يلي خلقك و ما خلق متلك. انت حبيبي و روحي انت حبي الابدي انت بتعطيني سبب كفي حياتي و بتعطيني امل بالمستقبل يكون احلى لأنو انت في. يا رب الله يجمعنا سوا قريبًا بظروف احلى. الله يحفظلي ياك بحبك انا قد دني و قد نجوم و قد حبات الرمل بكل الدني. مشتاقتلك كتيررررر كتيرر. اهتم بحالك بترجاك و ادعي لمستقبل احلى. ❤️
