من شوي فقت حلمت فيك بس ما يتذكر شي من الحلم غير انو شفت اختك الاصغر (يلي كنت بدي احكيها لما اختفيت و سبحان الله انا و عم اكتب المسج انت دقيت) و صرت اسألها كتير اسئلة و هي ترد عليي و هيك.. ليلة عيد ميلادي حلمت انك عم تقلي انك قربت على بنت حتى تنتقم منه و انا ما تحملت الحقيقة و جنيت و انت خفت عليي و عبطتني و اعتذرت مني و شكلك كنت ندمان.. و من زمان كتير حلمت انت ما قادر تنزل من بيت (مش بيتك بس كان على اساس هيك بالحلم) و لازم تنتبه لأنو البيت محاصر و كانو اخواتك البنات موجودين و انا عم احكي معن و بعدين فجأة صرت بغير مطرح و لازم ارجع انا فيي روح و اجي بس لازم انتبه و لما وصلت عندك مافينا نوقف حد شباك او باب كرمال ما نبيين. دايماً بحلم اشيا غريبة اوقات بحسن بلا معنى اوقات بقول يمكن من تفكير فيك و اوقات ممكن يكون في معنى بسيط بس ما بعرف شو هو. انا مبارح نزلت شي على اكاونت الشغل و شفت اسمك شايف ستوري، مين يلي عم يقلب هيك بالاكاونت؟ بتعرف شو كمان، قبل ما نام كان مقطوع النت و تركتو هيك فقلت هيدي فرصة اقرا شوي محادثات قديمة شفت كيف كنت اوقات تحلف "وحياتيك" كتير كنت انبسط بحس من قلبك و صادق و انتبهت مرة عن كيف كنت تحكي عن حبيبتك قديمة تعملك كلشي بدك ياه (معقول اكتر مني؟ اصلاً معقول حبتك اكتر مني و تمسكت فيك هيك؟؟) و عن بنات عم يحكوك و انا كنت غار و اسألك كتير اسئلة و انت تقلي روقي و شوي شوي.. هيدا ولا شي من الغيرة انا بغار اكتر و بعدك ما شفت شي خليني المح بس انك حكيت بنت غيري لهد الدني و اعمل مشكلة كبيرة و قليلللل لأنو ما برتاح. هيدا شي كنت حسو انو واضح انا بحبك من الغيرة و بعرف كنت اوقات تخليني غار قصد تحكيلي متزوج او عندك ولاد و انا عصب بس انت ولا مرة بينت غيرتك عليي بقوة. كنت اترجاك تتدخل فيي لأنو مش كافي تقول هيدا قصير هيدا ضيق هيدا مفتوح و ما تلبسي.. كان بدي اكتر بكتير و تعصب عليي و تعملي مشاكل. بحب اهتمامك و تدخلك بادق تفاصيلي. ما تقول غلط، وين الغلط؟ هيدا شي طبيعي بين تنين بيحبو بعض و مش ضروري يكون في علاقة بيني و بينك حتى يصير هيك اشيا. العلاقة "اسم" و بس ما بتغير شي من مشاعر او تصرفات او الواجبات بالعكس الحب هو يلي مهم. يعني ياريت لو حظرتك قبلت كون حبيبتك و فشيتلي خلقي كنت انبسطت بالاسم و يلي وصلتلو.. هلق مش مهم انت بتعرف انا وياك منتصرف كتنين بعلاقة لأنو منحب بعض.. تذكرت لما اخر مرة شفتك و قلتلك عم خبر اهلي انو انت بتحبني بس ما بدك ياني كيف قربت عليي و ضحكت و بستني كأنك عم تلهيني و تقلي مش مزبوط يلي عم تحسي و شديت عليي بالعبطة يلي بتجي عن جنب... و على سيرة هيداك اليوم انا كنت كتير مبسوطة فيك و باهتمامك و كيف كنت كيوت و حنون معي و لما اخدتني اكل و طعميتني تقبر قلب قلبي شو بتنحب و كريم و حنون و قلبك طيب و..... كتير كلمات مش قادرة عبرلك انت لازم تعرف حالك انو مافي احسن منك و بشكرك على كلشي عملتو كرمالي معنوي و مادي و هيك.. نيالي فيك انا نيالي ١٠٠ مرة بهيك شب في كل الصفات الحلوة و مش حاسس بقيمة حالو نيالي بحبك نيالي بكلشي لأنو معك انت. انت بنظري رجال قوي و سند و واعي و صبور و ذكي و واثق من حالك و كامل مكمل مش ناقصك شي ابدًا.. الله يرزقك أضعاف و يبسطك و يسهل امرك و يحفظك يا عمري. نيالك فيك تطلع بالمراية و تشوف جمالك كل يوم و انا محرومة منك بس ان شاء الله فترة قصيرة و بتمرق و صير اقدر شوفك على طول و نشبع من بعض يا روحي انت. بعرف كل مرة بقول نفس الشي بس بدي ياك تحفظ و تعرف انا مش رح اتركك انا هون ناطرتك و بحبك و مشتاقتلك و بدي ياك و متمسكة فيك و متعلقة فيك على طول. الله يحميلي و يخليلي ياك و يطولي بعمرك (مع كلشي في ياء التملك لأنك الي انا و بس) بحبككككك.
