اوف ياربي شو مشتاقتلك و كتير خايفة عليك، متوترة كتير و بالي معك. حتى حاسة حالي مخنوقة و تعبانة كتير راسي عم يوجعني من كتر التفكير. ما بدي يصرلك شي ما بدي تتهور و تضيع مستقبلك و بنفس وقت حاسة فيك بعرف في اشيا ما لازم واحد يسكتلا و ضروري واحد يتصرف و ياخد حقو.. انا ما الي غير الدعاء يلي هو اهم شي و ممكن يغير كل الاقدار لأنو مافي شي مستحيل على الله. بدعي من كل قلبي الله يساعدك و يحل مشاكلك و يفرجها عليك بأسرع وقت يرتاح قلبك و الله ينصرك. عم تدعي انت؟ يا ريت تكون عم تدعي كتير و تلح بالدعاء و تتوسل بالله و توثق في و تسلم امرك الو. صدقني الدعاء كتير مهم و ممكن يغير كلشي لأحسن حال و يغير الاقدار المكتوبة. لا تهمل حالك، اهتم بحالك و بنفسك و بمستقبلك بترجاك تحسب حساب كلشي و تعرف كيف تتصرف.. قلبي عليك متل نار كل ما تتأخر حتى تقرا شي انا ما برتاح بظل رايحة جاية شوف اذا قريت شي. مش عم صدق كيف قبل فترة كنت سبب كل سعادتي و سبب الاشيا الحلوة يلي عم تصير معي و وجك كان كتير خير عليي فجأة كلشي حلو اختفى و صرت ظل خايفة عليك صبح ليل و ما بقدر انبسط بشي بلا ما اقعد فكر فيك.. بتمنى من كل قلبي يخلص كلشي سيء و ترتاح و انا ارتاح معك و تتحسن حياتك و تشوف احلامك و تعمل كلشي بدك ياه و بتحقق اهدافك. انا ما بقدر عيش بلاك ليش ما عم تفهمني ليش ما حدا حاسس فيي؟ والله الدنيا بلاك بشعة و بدي ياك معي دايمًا. ليش انا عم يصير هيك معي؟ ليش انا شخص مش طبيعي ما بعرف بعد عن حدا بحبو؟! ليش هيك مشاعري و عقلي مش عم يستوعب شي؟؟ ساعدني بترجاك ادعيلي اعمل اي شي! بدي افهم على حالي شو سبب كل هل محبة و التعلق. ليش هيك عم يصير و ليش مش عم اعرف اطلع منك؟؟ ليش صعب انساك و ليش بعدني لهلق ناطرتك؟؟ والله انا تعبت كتير و راحت طاقتي كله.. عم انطفي يوم عن يوم. ما تفكر عايشة حياتي او إذا ضحكت او ابتسمت او لثانية التهيت بشي يعني نسيتك او مبسوطة او مرتاحة بلاك. الله شاهد عليي انو كل لحظة بتمرق بفكر فيك و بخاف عليك و بدعيلك من كل قلبي و ما بتخيل في حدا بالدني بيدعيلك و بيخاف عليك قدي. انت قادر تتخيل حجم الضرر يلي ممكن يصيرلي بغيابك؟ ولا يوم بحياتي توقعت انو ممكن قضي وقتي عم ادعي و خايفة على شخص هيك مش من عائلتي.. معك انا بنسى حالي و بفكر فيك و بدعي من الله اليوم يلي بدو يصيرلك شي بعيد الشر عن قلبك كون انا متت حتى ما اشهد على هيك لحظة بتوجع قلبي و بتموتني على البطيء. بدي من الله يسمعلي و ياخد من عمري و يعطيك و يحميك و يطول بعمرك و يحفظك. انا كلشي بتمناه و بدعيلو بيصير يا رب يجي نهار ينحل كلشي و تكون معي و الي و نكفي حياتنا سوا. دخيل قلبك شو بحبو و بحبك، كتير كتير بحبك انت قطعة مني انت روحي و قلبي. بدي ظل قوية كرمالك و كرمال بس ينحل كلشي تلاقيني حدك و ناطرتك. الله لا يحرمني منك و الله يخليلي ياك يا اعز و أغلى شخص عندي بكل الكون. بحبك لأخر نفس و مستحيل اقبل يفرق بيني و بينك شي و رح ظل معك و ناطرتك و حدك يا عمري انت.
