كيفك يا عمري؟ كتير انبسطت فيك مبارح انك مشتقلي وعم تفكر تشوفني و انا كمان كتير كتير. ما بتصدق شو بنبسط بهيك اشيا خاصةً بس اتذكر انك كنت كتير غير معي و ما بدك نتقرب ولا شي و هلق مع كلشي عم يصير بعدك عم تفكر فيي يعني عنجد بتحبني، هيدا انجاز كبيرر و انا فخورة في. كل وقت انا عطلانة همك و خايفة عليك كتيرررر ما بدي تنأذى اكتر بنفس الوقت ما الي حق اتدخل بهيك شي مهم، حقك شو ما عملت. كل يلي بدي ياه تنتبه منيح منيح و تتذكر في انا ناطرتك اذا بعيد شر بيصرلك شي انا شو بعمل بحالي؟ صرنا بأخر ١٠ ايام برمضان و ليلة القدر قريبة انا ما عاد فيي صلي شي اسبوع يعني ما قادرة غير ادعي بدي منك انت تصلي و تدعي، الدعاء ممكن يغير كلشي و يغير الاقدار و يتحسن كلشي حبيبي حاول من قلبك تدعي و ان شاء الله كلو خير. كتير برتاح بس اعرف انك بخير و بتمنى تكون انت كمان مرتاح و بتمنى انك عم تنبسط انت و عم تقرا كلشي انا عم اكتبو الك و اقدر خفف عنك لو شوي. عم تهتم بحالك منيح؟ يا ريتك حدي اهتم فيك انا. يؤبرني قلبك انا شو بحبو دخيل هل قلب الحنون يلي بيفكر فيي، انا هيك بصير حبك اكتر و اكتر و اتعلق فيك اكتر. دايمًا بفكر كيف عم تقضي نهارك و شو عم تعمل و شو عم تفكر... بحس انا وياك قراب كتير لدرجة حتى لو ما منحكي منظل قراب و في ترابط قوي. بحب نوصل لهل مرحلة و اكتر و نصير نفهم على بعض بسرعة.. انا بيكفيني انك عم تقرا الاجزاء الجديدة ما بدي تتعذب بغير شي و بعدين ان شاء الله معنا كتير وقت نعوض كلشي راح علينا سوا رح ظل صبورة معك و ناطرتك. انا اذا طولت عليك بالكتابة بكون مشغولة بالجامعة بعد عندي امتحان و عندي event بالجامعة و project.. هيدا غير موضوع الشقة و هل تفاصيل لأنو في احتمال المصاري يروحو عليي و كلشي فايت ببعضو كرمال هيك من كم يوم كتبت تعبانة بس هون ما بقدر احكي تفاصيل. رقمي رح يظل هو نفسو بكل الحالات يمكن بس الغي الصفحة او شي لهلق ما بعرف و ان شاء الله خير و ينحل كلشي معي و معك كمان. بعد التفكير مبارح صح في اشيا عم تتعرقل و تأثر على فكرة نشوف بعض بس يمكن هيدا الشي للأحسن لأنو بخاف عليك خليك مطرحك و انتبه منيح من كلشي احسن ما توقع بغير مشاكل و يكون بسببي. انا على امل شوفك يكون كلشي كلشي نحل و ما عاد نفكر بشي ولا خاف عليك و بدي عوض كل ثانية غبت عني فيها. انا علاقتي مع اهلي صايرة مدري كيف ما عم نتحمل كلمة من بعض و نظل نتخانق و يتدخلو فيي بخاف حتى يمنعوني عنك و يتدخلو بشوفتنا ، صار في كذا مشكلة مع شغل بابا و اهلو عم يتدخلو بكلشيي و عم تطلع الفشة فيي انا بيظلو معصبين بوجي صرت عم اكره قعدة البيت اكتر و اكتر لأنو بعرف اذا كنت قاعدة طبيعي رح يطلعو مشكلة من تحت الارض و اطلع انا غلطانة. انا كتير كتير كتير اشتقتلك و بحبك و بالي فيك كل الوقت، حبي الك مش طبيعي اوقات عنجد بفكر شو سبب كل هل مشاعر؟ حب، تعلق، هوس..؟ حقك تستغرب اوقات اذا انا مستغربة من حالي و مش هم افهم شو عم يصير معي و ليش بحبك هلقد و متعلقة فيك و كل وقت بفكر فيك. الله يحفظك و يخليلي ياك و يحل كل مشاكلك يا قلبي. بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك لأخر نفس. ❤️
