شو يعني الحب؟ و بالأخص شو يعني بحبك؟
بحبك يعني بحب كلشي فيك
بحبك يعني متعلقة فيك و ما بحب ابعد عنك
بحبك يعني بحب نحكي على طول
بحبك يعني بحب كلشي بيخصك من عيلتك لمنطقتك لاهتماماتك
بحبك يعني اشتقلك كل وقت حتى وانت حدي
بحبك يعني زعلك بيزعلني
بحبك يعني بكره كلشي انت بتكرهو
بحبك يعني بحاول افهمك حتى لما رأينا بيختلف
بحبك يعني خاف عليك
بحبك يعني ارضيك و ما زعلك
بحبك يعني حافظ عليك
بحبك يعني اختارك من بين الكل و اتمسك فيك
بحبك يعني يحب اسمع صوتك دايمًا
بحبك يعني بحب اعرف كل تفاصيلك
بحبك يعني بشوفك سندي و قوتي و سعادتي
بحبك يعني انت الشخص الوحيد يلي بتعنيلي
بحبك يعني يومي بلاك مش كامل و حياتي بلاك بشعة
بحبك يعني اسمع كلمتك
بحبك يعني بدعيلك كل الوقت
بحبك يعني اعطل همك و فكر فيك و حس فيك
بحبك يعني بحب قرب عليك
بحبك يعني بحب بوسك و شمك و اعبطك و امسك ايدك
بحبك يعني بتمنى نصير عيلة سوا
بحبك يعني بدي كون ام ولادك و كفي حياتي معك
بحبك يعني بدي ولادي يكون نسخة منك
بحبك يعني بتغير كرمالك
بحبك يعني ما بمل منك
بحبك يعني كلمة منك بتبسطني و بتغير مزاجي
بحبك يعني ظل ناطرتك
بحبك يعني بدي نكبر سوا و نسند بعض
بحبك يعني بتقبلك كيف ما كنت
بحبك يعني قدر ظروفك
بحبك يعني غيابك بيقتلني
بحبك يعني وجودك بحياتي مهم
بحبك يعني روحي معلقة فيك
بحبك يعني بحسك نصي التاني
بحبك يعني عيوني ما شافو احلى منك
بحبك يعني انت الصح بكلشي
بحبك يعني مستعدة موت كرمالك
بحبك يعني ما بشوف مستقبلي بلاك
بحبك يعني انت بتريحني و بتنسيني كلشي سيء
بحبك يعني مافيي عيش بلاك
بحبك يعني انت الي و انا الك
بحبك يعني بحلم فيك كل الوقت
بحبك يعني ما تفارق بالي لحظة
بحبك يعني بخطط حتى تظل معي
بحبك يعني سامحك شو ما عملت
بحبك يعني اتمنالك الخير دايمًا
بحبك يعني انت اول شخص بيخطر على بالي الصبح و اخر شخص بفكر في قبل النوم
بحبك يعني كل شوي فكر فيك و شوف وينك
بحبك يعني لازم اتطمن عليك حتى ارتاح
بحبك يعني حب كون حدك بكل اوقاتك و كون اقرب شخص الك
بحبك يعني راقبك و غار عليك
بحبك يعني ممنوع حدا يشاركني فيك
بحبك يعني اتوقع منك كل الخير و اوثق فيك
بحبك يعني ارتاحلك و خبرك كل تفاصيلي
بحبك يعني ازعل منك و عاتبك على قد محبتي الك
بحبك يعني بحب تراضيني و تغنجني و تحبني
بحبك يعني لازم اتغنج عليك
بحبك يعني بحب اهتم فيك كل وقت
بحبك يعني بحب شوفك بأعلى المراتب و عم تحقق احلامك
بحبك يعني بشجعك على كلشي
بحبك يعني اتخانق معك على ابسط الامور
بحبك يعني اسكت اذا انا معي حق حتى ما تعبك معي
بحبك يعني اتقبل بعدك و اصبر
بحبك يعني ابكي عليك و حس فيك
بحبك يعني اعتبرك جزء مني و حبيب قلبي الوحيد
بحبك يعني بحب نروح و نجي سوا
بحبك يعني بحب جرب اشيا جديدة معك
بحبك يعني اكل معك و انا ما بحب اكل مع حدا
بحبك يعني اتقوى فيك و اسمع نصايحك
بحبك يعني لازم استشيرك بكلشي
بحبك يعني رأيك مهم
بحبك يعني اوصلك مهما كان الطريق صعب
بحبك يعني اسهر كرمالك
بحبك يعني غازلك و اكتبلك و عبرلك كل وقت
بحبك يعني بحب تشوف صوري اول شخص و اعرف رأيك
بحبك يعني بغير بحالي كتير حتى اعجبك
بحبك يعني حب عيونك و شعراتك و وتفاصيل وجك و طولك و كلشي فيك
بحبك يعني بحب شد عليك وقت العبطة و مسكة الايد
بحبك يعني احكي لأهلي عنك
بحبك يعني اتمنى كون حبيبتك و مهمة عندك
بحبك يعني بتمنى كون مرتك و شريكة حياتك
بحبك يعني ارسم حرف اسمك وين ما كان مع قلب
بحبك يعني اتلبك و قلبي يدق بسرعة لما اسمع اسمك
بحبك يعني اخجل حدك
بحبك يعني ظل بالساعات ظبط بحالي حتى اعجبك
بحبك يعني حب اسمك
بحبك يعني حسك انخلقت الي و لقلبي
بحبك يعني بحس بالامان معك
بحبك يعني بوثق فيك بكلشي
بحبك يعني ما بتقبل حدا تاني غيرك
بحبك يعني بترك كلشي من ايدي لما تحكيني حتى ركز معك
بحبك يعني انت موجود بكل مخططاتي المستقبلية
بحبك يعني حط احتفظ بكل صورك
بحبك يعني حط صورة عينك عندي
بحبك يعني حاول اعرف كلشي عنك
بحبك يعني كون فخورة فيك و اتباهى فيك
بحبك يعني بحلم البسلك الابيض و نعيش سوا
بحبك يعني بحس حالي بعالم تاني معك
بحبك يعني حب ضحكتك و اعمل جهدي حتى شوفا او اسمعا
بحبك يعني بدي كتير ولاد منك
بحبك يعني احتفظ ببلوزتك و ريحتك و الورد يلي هديتني ياه و الكباية يلي شربت منا...
بحبك يعني ادعي الله ياخذ من عمري و يعطيك و موت قبلك
بحبك يعني اعتبرك محور الكون
بحبك يعني بدي كون معك كيف ما كان
بحبك يعني بطل اعطل هم المستقبل لما تكون حدي
بحبك يعنى اشفى من التفكير الزايد و صير متفائلة اكتر
بحبك يعني كون عند حسن ظنك
بحبك يعني بدي اعمل كلشي حتى تكون فخور فيي
بحبك يعني ما نام ليل من كتر تفكيري فيك
بحبك يعني شوف مميز و نادر
بحبك يعني هلوس فيك و حس فيك لما بدك تحكيني
بحبك يعني حس لما بدك تجي لعندي
بحبك يعني اتلبك لما شوفك و بطل اعرف اتصرف
بحبك يعني اندم لما زعلك او قصر معك بشي
بحبك يعني ما نيمك معصب او زعلان
بحبك يعني اتنازل و سهل الامور حتى ما تكبر المشكلة
بحبك يعني كلشي الي الك
بحبك يعني بحبك من كل قلبي و بموت فيك و كلشي قلتو قليل عليك يا عشقي 🥺❤️
