صباح الخير حبي، كيفك؟ اليوم كمان حلمت فيك بس ما بتذكر شي ابدًا. قبل ما نام بشوي صليت الفجر و دعيتلك و ظليت سهرانة مع حالي و احكي مع الله حتى ارتاح. انا عم حاول لهي حالي بأي شي بين جامعة و درس و شغل بيت و اخيرًا صار عندي رفقات بنات و عم ظل معن و صارت حياتي شبه طبيعية. من اول يوم جامعة كنت حابة احكيلك شو تغير وعن نهاري و دوامي كيف صار و هيك بس قلت خليني انطر شوي لأنو كنت واعدتك ما احكي كتير. تاني يوم بعد ما خلصت و رجعت على بيت نمت شوي و و فقت لقيت الاخبار و بلشت انهار و ابكي ما تحملت كانت صدمة كبيررة انو انا متأملة اجي احكيلك و انت ملتهي بمشكلة و مش معروف وينك و اذا منيح او لا. الحمدلله تاني نهار كان عطلة لأنو كنت عم فكر غيب و ارتاح بالبيت شوي. ما قدرت نام من البكي للصبح و انا قلقانة و فقت جسمي مكسر و راسي عم يوجعني كتير. ظليت لهي حالي و قوي حالي و ادعي و صلي و اتفائل. بعدين صرت ارتاح شوي شوي متل ما قلتلك بطلب اشارة من الله او بحكي معو او براقبك. على فكرة انا من كم يوم محيت الفيسبوك و مابدي استعملو بقى ولا شوف اخبار لأنو اعصابي ٠ و عندي امتحانات قريبة بيكفي ب اول امتحانات ما عملت ١٠٠٪ منيح متل كل مرة كان راسي مش معي. بعدني لهلق بمشي على نصايحك و بعمل كلشي كنت تقلي عنو من انو قوي حالي او شو البس او كيف اتصرف مع العالم و خاصة شباب. كلشي علمتني ياه و طلبتو براسي و رح ظل اعملو حتى لو نحن بطلنا متل قبل. كتير شتقتلك و شتقت لعيونك. تتذكر بس طلبت تصورلي عيونك؟ لهلق صورة معي و كتير بحبا و بتعنيلي، دخيل عيونك شو بحبن هول احلى عيون بالعالم. بتتذكر بس طلبت تسمعني صوت نفسك؟ قد ما عجبتني حسيتك مش حقيقي كان بدي اتأكد من كلشي. انا ما شفت قدك انسان منيح و ما شفت متل قوتك و قدرة تحملك و كلشي فيك غير عن الكل يارب تظلك هيك قوي و بخير و مرتاح و ما ناقصك شي بالدني. اول فترة سوا كان كلشي متل الحلم استغرب انو اوف كيف هيك هيدا الانسان و ليش ما تعب مني و ليش عم يسايرني كتير..؟ بتعرف شو عبالي اعرف تفاصيل؟ حابة اعرف ايمتا حبيتني، ايمتا بلشت تحبني، ايمتا غرت عليي كتير، ايمتا خفت عليي كتير... و هل تفاصيل.. كتير بحب اعرف هيك اشيا ما بعرف ليه بنبسط فيها. انا شخص بحب تفاصيل و المشاعر و بحب اعرف كلشي متل ما انا تعلمت احكي كلشي، بعرف الشب غير البنت ما بيعبر او بيهتم بتفاصيل بس انا بحب. بتمنى تكون عم تاكل و تشرب منيح و تعمل رياضة و تلهي حالك شوي احسن ما تكون قاعد و بس و بتمنى تسمع نصايحي و تهتم بحالك و تعرف تتصرف بالمستقبل لأنو الحياة قصيرة و مش مستاهلة وانت بتعرف الباقي.. بتعرف هيدا تالت رمضان علينا سوا؟ الوقت بيمرق بسرعة كتير و لهلق بتذكر اخبارك بأول رمضان سوا. في اشيا محفورة براسي ما بنساها ابدًا. اوقات بيطلع بوجي اشيا متل يلي كنت ابعتلك ياهن انستا بس بتذكر مافيي ابعت شي و صعب جمع لينك و حطون هون بس رح حاول كل فترة مرق كم واحد بتتسلى فيهن. عم ادعيلك من كل قلبي بالخير و ان شاء الله الله يسمع مني و يريحك و يبدل أقدارك لأحسن حال و كون شاهدة على هل شي و اشكرو صبح و ليل و كل ثانية بحياتي. الله يحفظك حبيبي. ❤️
