تقبرني مقصرة معك كتير مش عم اكتبلك و عبر عن حبي و مشاعري بس والله كتير مشغولة و عم ادرس و تعبانة كمان و في شوية مشاكل وهيك. كيفك يا عمري؟ والله انا مشتاقتلك كتيررر كتيررر و بعتذر ما عم اكتبلك شي تتسلى في و تلتهي في و تنبسط في. عملت فحص دم من يومين طلع الفيتامين د على الحفة بدو -١ و بيصير تحت طبيعي و كان عندي فيتامين ب١٢ نازل طلع شوي الحمدلله بس طول كتير لأنو صارلي شهرين او اكتر باخد دوا و يمكن كان في شي بمناعتي نازل رجع صار طبيعي بس مخزون الحديد عندي لأول مرة بسنين نازل هلق هو طبيعي بس بدو -٥ بيصير تحت طبيعي و انا كنت عاني من نقص حديد من زمان ما بعرف ليش نزل هل نزلة لازم اخد دوا حتى ارفعو شوي. و هيك يا قلبي بين درس و نوم ما عم لحق اعمل شي كتير تعبانة و جسمي تقيل، ما فضل شي و بخلص جامعة ان شاء الله و برتاح و بعمل عملية الكلى. اشتقتلك قد الكون انا، مبارح لقيت في شي ممكن يخلي الذكاء الاصطناعي يعمل فديو حقيقي لشخص حسب الطلب و عملت واحد الي و الك بس طلع بيموت ضحك بعرفك بتحب تضحك ع هل اشيا بس نحكي ببعتلك ياهن تضحك شوي. بحبك يا روحي عم حاول اعطي حالي القوة كرمال يظل عندي امل لمستقبلنا سوا. بتعرف يا قلبي دكتور حقوق الانسان يلي بتحبني كتير هي دارسة قانون و مستشارة سفراء و عضو بتمثل لبنان بمراكز حقوق الانسان و هل اشيا بأوروبا الاثنين كان عنا حوار عن الدستور اللبناني و اكيد بالدور كل واحد بيجاوب شي بس وصل الدور الي و جاوبت عن سؤالها كتير انبسطت فيي و خلت الصف يصفق و قالت اجوبتك اجوبة محامية و فاهمة بالقانون و انا انبسطت كتير كمان و فخورة بحالي يعني ما عاد لازم تقول انا وحدة هبلة صرت ذكية و شاطرة. اخ شو بحبك انا و بحب شاركك تفاصيلي و بدي تكون مبسوط فيي و فخور فيي. دخيل روحك ما احلاها الله يخليلي ياك و ما يحرمني منك بحبك بحبك بحبك انا ما بنام قبل ما ادعيلك و فكر فيك و اتخيلك معي و اتخيل مستقبلنا سوا. ان شاء الله اول ما خلص بدي ظل اتغزل فيك و اكتبلك ت تشبع. الله ينصرك حبي.
