كل ما اوعد حالي مابقى شوف اخبار بيطلع شي بوجي و من شوي طلعلي فيديو الك و التعليقات قطعو قلبي لأنو الكل متعاطف مع الطرف الثاني و ما طالع بايدي شي ولا بقدر ساعد كتيررر مقهورة و زعلانة و صرت ارجف عنجد تعبت اعصابي و انا بعيدة و ما بعرف شو عم يصير معك و خايفة عليك و حتى خايفة على حالي و صرت افهم ليش من الاول قلت مش وقت علاقات و حب و مشاعر حقك والله ياريت عرفت من الاول بس المشكلة انا كتير متعلقة فيك و بحبك صعب ابعد عنك لو شو ما صار. تتذكر نهار دقيتلي تنشوف بعض؟ والله العظيم كنت بنفس اللحظة عم اكتب مسج لحدا من عيلتك حتى اتطمن عليك لقيت مكالمة ما كان بدي رد و اخذ حجوزات لأنو ما الي نفس قلت خليني رد طلعت انت يا عمري و كان بدي اجي عنجد و بوسك و بوس ايدك و شمك و اعبطك و اشبع منك و اتطمن عليك بس تفاجأت انو كتير بعيد و اهلي ما قبلو لكتير اسباب و منون صارو بيعرفو بكتير اشيا بسبب الاخبار و انا زعلت كتير و خفت تزعل مني و خفت على حالي يصير شي و هيك. بعدين قلت اذا دقيت و حكيت يعني الوضع عادي و لازم اتطمن بس كل ما شوف اخبار اكتر كل ما لاقي الوضع متأزم اكتر و ماعندي مين يفسرلي و يطمني و انت اختفيت عني يمكن مطووش او لمصلحتي لأنك خايف عليي و بفهمك و بشكرك لأنو ولا مرة حطيتني بمشكلة. انا مقهورة لأنو لو انا يلي صاير معي شي كنت عملت كلشي كرمالي بس انا كبنت ما قادرة اعمل شي عم موت على البطيء و ما الي غير الدعاء صبح و ليل و انت كنت دايما تقول الله بحبني و انا بتفائل بهل شي و ان شاء الله الله يستجيب دعائي و يفرجها عليك و تنحل. اوقات بقول حبيبي قدا و قدود و ما بينخاف عليه شو ما عمل لأنو ذكي و شاطر و بيعرف يتصرف و اوقات بخاف بقول علق علقة كبيرة و معقدة كتير. ياريت تطلع من المنطقة كله و تروح مطرح غير و تبلش من ٠ بعيد عن كلشي حتى ترتاح و ارتاح. لك حيصير النا شهر بعاد عن بعض و انا مهمومة كتيررر و عم حاول اصبر و اسكت حتى ما حطك بمشكلة اكبر. والله كتير شتقتلك الحياة بلاك مش حلوة انا بحاجتك و بحاجة تكون مرتاح حتى ارتاح كمان. والله يا قلبي لو بغير ظروف كنت قلبت كل الناس على هوليك و يعرفو الحقيقة. عقلي معك كل وقت من اول ما فيق حتى نام انت ببالي و عم فكر فيك و فكر بمصيرنا انا وياك، شو رح يصير؟ معقول تنحل قريباً؟ عم انقهر لأنو الصراحة كنت كتير متأملة نتزوج حتى لو بعد فترة طويلة و حتى اكتر من مرة تخيلت هل شي لدرجة جبت شي البسو على خطبة/كتب كتاب و قلت بتفائل في حتى يقرب هل يوم بس شكلي مش رح البسو و كل احلامي مش معروف اذا ممكن تتحقق. ياريت تكون مشتقلي و عم تفكر فيي و تفكر ترجعلي بس ينحل كلشي. نحن اتفقنا ما نبعد و ممنوع تختفي فجأة يعني رح ظل ناطرتك و ادعيلك لحتى يجي يوم تفرج عليك و ترجعلي. بحبك حياتي الله يحميلي ياك.
