يا عمري انا اليوم اول مرة برجع بتشجع فوت شوف اخبارك الجديدة و طمنت حالي انك بخير الحمدلله. الصراحة تعبانة و زعلانة لأن حاسه هي نهايتنا. بتعرف شي؟ انا كتير فخورة فيك بكلشي بتعملو و كلشي عاملو و بشوف حالي فيك و بحسك شخص ناجح و طموح فبزعل انو الحياة عن تلهيك عن اهتماماتك. انا بحبك و رح ظل حبك و رح ظل اتذكرك و ما رح انسى ابدًا انك وعدتني بكتير اشياء و ما زعلتني و ظليت تحاول تكون معي رغم كلشي. على فكرة انا مش ناطرة تتقبل يكون عندنا "title" انا حبيبتك و انت حبيبي غصب عنك و انا كان الي الشرف انو تعرفت على حدا بيجنن متلك و كنت احلم كفي حياتي معك و صير مرتك لدرجة من اول فترة تخيلت نخطي هيك خطوة جدية بس ما كنت بعرف ظروفك هيك يا قلبي. بحس حتى لو عرفت كلشي رح يصير بالمستقبل كمان كنت اخترت ظل معك و نتقرب. بدعي لالله يخفف عنك و يحقق امنياتك و ينصرك و يفرجها عليك و ياخذ من حسناتي و يعطيك و يطول بعمرك و ياخذ من عمري و يعطيك. الله يهديك و يسهلك و يرزقك الحياة الحلوة بالدنيا و بالأخرة ويرزقك الجنة و ان شاء الله اذا الله ما كتبلنا نصيب بالدنيا يكتبلنا نصيب سوا بالجنة. انا كتير كتير حبيتك و كتير بحبك و انت بتعنيلي كتير لدرجة كل شوي بتذكرك و ببكي لأنو بحاجتك و بدي تكون بخير. حبيبي انت و حياتي و كلشي بالنسبة الي، رح ظل طول عمري ادعيلك و اتمنالك الخير و اتذكر ذكرياتنا الحلوة. بتذكر اول فترة كنت ظل خايفة تتركني فجأة و ازعل بس لما اخيرًا تطمنت غبت عني بظروف صعبة بعرف مش بايدك كرمال هيك مش رح اعتب عليك. بعرف ما بتحب ابكي ولا بتحب كون ضعيفة بس والله مش بايدي و عم حاول اتفائل كرمالك و عندي يقين و ثقة بالله انو رح تطلع من مشاكلك، حسبي الله ونعم الوكيل على كل شخص كان السبب و ان شاء الله تاخذ حقك. بحبك بحبك بحبك لأخر نفس لأخر دقة بقلبي لأخر لحظة بحياتي رح ظل حبك و رح تظل ذكرة حلوة عنجد بدعي من قلبي الله يجمعنا بالجنة و يعوضنا. انت ما بتعرف معزتك عندي و ما بتعرف انو من اول فترة كنت حسك حبيبي و سندي ورفيقي و مصدر سعادتي و قوتي، لحظة وحدة بلاك بتموتني و بتكسرني. كتير كتير كنت حابة تعترفلي بحبك من زمان و تقبل نكون بعلاقة حب بس يمكن انت بتعرف اكتر مني و بتعرف مصلحتي. امنيتي شي يوم بس يخلص كلشي ترجعلي و انا مستعدة ظل معك بالمرة قبل الحلوة. انا رضيت بقضاء الله و رح اصبر و اتوكل عليه لعل و عسى في خير قريب بكلشي عم يصير و مستعدة اتنازل عن احلامي معك (كون مرتك او حبيبتك او حتى رفيقتك) على شرط الله يحفظك و يطول بعمرك و ما يصرلك شي. يارب انا عنجد ماعاد بدي شي منو غير يكون بخير و سلامة. بس اسمع اسمك او شوف صورتك او لاقي خبر عنك جسمي بيرجف و قلبي بيدق بسرعة بحس كلشي جواتي بدو ياك و مشتقلك و كأنو انت نصي التاني و بتكملني. كلشي بيزعلك بيزعلني و كلشي بيبسطك بيبسطني و كلشي بتحبو بحبو و كلشي بتكرهو بكرهو، شايف شو بحبك؟ يا قلبي والله كنت بتمنى تقلي انا حبيبتك كان اكبر احلامي و اكبر هدف بدي اوصلو تاتطمن انك صرت الي و ما حدا بياخذك مني. انا ما رح انسى كل كلمة منك و كل نصيحة و كل درس عطيتني ياه و حاولت تغيرني للاحسن في، بدي بس ترجع تلاقيني متل ما بتحب. بتعرف كنت مستعدة غير كل حياتي كرمالك؟ بمعنى لبسي و نمط حياتي كلو. لك كنت بتمنى تعطيني اوامر كرمال كون متل مابدك و اصلا كنت برتاح هيك مش انو حس مجبورة. انت اكتر شخص حبيتو و كان بدي ياه. عم ادعيلك بصلاتي و بكل اوقات الاستجابة و كل ما صلي بتذكر انك سبب من اسباب انو بلشت صلي و يارب بكل صلاة تكسب حسنات بدالي و تكون مرتاح و مبسوط. حبيبي انا ما قصرت بس شفت صورك و اسمك و حاولت ساعد قد ما بقدر. ما تفكر ناسيتك، حدا بينسى حبو و روحو؟ انا بموت فيك و بعشقك و بدي ياك دايمًا. بتمنى انت كمان ما تنساني و بتمنى ما تكون نهايتنا هيك عادية. استودعتك الله التي لا تضيع ودائعه، الله خير الحافظين. ❤️
