حبي و ملاكي و حياتي، اشتقتلك كتير كتير كتير كتيرررررر. اليوم حلمت فيك كنت معي بالحلم و كل وقت سوا فقت مرتاحة حسيت حالي كنت معك. والله كتير مشتاقتلك حابة نعبط بعض كتير، حابة شوفك و قرب منك. اوقات بحسك قاعد بقلبي، يعني بحس بأمان فجأة انو انت معي موجود بقلبي و عم تعطيني القوة و الأمل. اليوم كان اليوم الخامس بالجامعة من اصل ١٨ يوم دراسة (اكيد مش عم احسب الويكند) عم اتعب كتيررر صراحة و راسي عم يوجعني و دوخ و جوع و ١٠٠ شي بس عم اقنع حالي انو من الضروري كفي احسن ما اضغط حالي بعدين، بنفس الوقت عم أتسلى بالصف كتيررر انا الوحيدة يلي بعرف جاوب بالصف (اخدت صف حقوق انسان) و دايمًا الدكتور بتطلب يصفقولي و كمان انا الوحيدة يلي ما بنجبر عيد الخطاب اذا كانت طالبة مننا لأنو صوتي و النبرة مش متلن و عم احكي بثقة. يعني انا مش هبلة انا بس هبلة معك بس بباقي الاشيا انا ذكية كتير و شطورة و لازم تنبسط و تشوف حالك فيي. يا ريت انت معي و بتقدر تجي تشوف شو عم اعمل بالصف و انجازاتي، كتير بحب فرجيك هل شي فيي. و كنت بحب لو قدرت احضرك شي نهار اذا كان عندك بطولة و شجعك. كتير بنقهر انو انحرمنا نعمل اشيا سوا و حابة شي يوم نوصل لدرجة نقدر نقضي وقت هيك سوا و نظل مع بعض و ما يفرقنا شي. انت اغلى شخص عندي و بحبك حب مش طبيعي و برتاح كتير لما اعرف انت بخير و بتمنالك دايمًا تكون مرتاح و الله يرضى عليك و يعطيك قوة و يحفظك و ينصرك. مافي ليلة مرقت عليي الا ما ادعيلك حتى لو انا تعبانة قد دني مستحيل غمض عيوني قبل ما ادعيلك. انت سعادتي و قوتي بهل حياة و انت املي و سندي و كلشي بالنسبة الي. انا بلاك ما بعرف عيش ولا بدي عيش. بتمنى نهار يلي بدو يصرلك شي لا سمح الله و بعيد شر عنك، الله ياخد روحي قبل ما اعرف. انت هدية من الله، يمكن ما تصدق او تفكر عم اخترع حكي او مش واعية شو عم قول. عنجد انا بحسك هدية بحسك احلى جزء من حياتي و بحس الله عوضني عن كلشي بشع فيك. يا ريت لو ظروفك كانو احسن و نكون عم نعيش حياة طبيعية متلنا متل كل تنين بيحبو بعض. لهلق بس شوف تنين بيحبو بعض بنقهر و بغص لأنو انا وياك بعاد عن بعض. الله يجمعنا سوا قريبًا..
