شتقتلك شتقتلك شتقتلك شتقتلك شتقتلك كتير كتير كتير كتير كتير كتير يا كل حياتي يا عمري يا روحي يا اغلى شخص عندي من كل قلبي شتقتلك! مبارح بالليل ظليت احكي مع الله و ادعي و دعيتلك و طلبت منو يساعدك و يريحك و ينصرك لحتى غفيت. بس نمت حلمت فيك، حلمت انك بعتتلي لينك فيديو بيضحك او شي هيك قلتلك كيف عم تحكيني و شو هيدا يلي بعتو بعدين صرنا نحكي اكتر قلتلي ما عاد تخافي مافي شي و رجع كلشي متل ما كان و بعتلي صور الك و صور لابس اشيا متل يلي بيلبسوها بشغلك القديم يلي مرة خوفني (انا هون ما بكتب تفاصيل بما انو الكتاب ممكن اي حدا يقرا انت فهمت عليي) و قلتلي تعي على مطرح معين بدي تعطيني وراق الك خبيهن و رحت كان مطرح غريب كلن مكاتب حد بعض و كل شوي شوف واتس اب انحط بقروبات غريبة و لاقي مسجات من عالم مش مفهومة بعدين قعدت مع عالم فجأة بلاقي ايد على كتفي طلعت ايدك انت و قلتلي حبيبتي عطيتني الاوراق و قلت تصرفي فيهن ما بدي حدا يشوف قلت اوكي و كنت مبسوطة فيك كتير و قلتلي انك بتحبني بعدين انا رحت دور على مطرح حط في الاوراق ما لقيت لأنو كل زاوية مخفية كان في حدا حاطط شي فقلت بخبيهن بتيابي. بعدين لقيت بنت متلي و قعدنا سوا و اجت وحدة كبيرة بالعمر شكلها هي بتفتش و بتشك و هل قصص ف قررنا نعمل حالنا بدنا نروح للحمام و انا قلت هونيك بخزق كلشي و بكبن بالتواليت و اكيد كنت بكل خطوة عم اكتبلك بس لما تخلصت من الاوراق لقيت في متل قزاز فوق الباب على العالي كيف شباك يمكن منظر و حسيت في عيون عليي ف قمت انا كمان شوف اذا في حدا عم يشوف و بعدين فقت من الحلم من الوجع لأنو بطني وجعني.. في احلام ما كتير بهتم فيا لأنو بعرف عقلي الباطن مجمع افكار و حاطن بنفس الحلم و بس كون تعبانة بحلم اشيا غريبة. بتعرف شي؟ انت جمالك مافي منو بكل الكون، ما بعمري لقيت حدا حلو متلك. من شوي عم برم على صورة قديمة لقيت صورك القديمة عندي و تذكرت ايمتا عملت save عندي و عملت البوم خاص الك و لما كان عيد ميلادك عملت فيديوهات كتير حلوين كانت فترة حلوة كتير عنجدد. احلى شي كيف كنا نحكي دايمًا و نهتم ببعض و كيف كلشي كان بأولو في لهفة و مشاعر... ياريت فيي ارجع بالزمن و روح على ٢٠٢٢ و ظل معك و عيش كلشي من اول و جديد و اشبع منك. بحبك بحبك بحبك قد الدني قد كون قد السما و النجوم و حبات الرمل بالدني بحبك كتيررررر من كل قلبي بحب كلشي فيك بحب عيونك نظراتك وجك كلووو و شفافك و لون بشرتك وكلشي فيك انت بتعرف كيف بشوفك حلو من فوق لتحت. اشتقت اتطلع بعيونك و اسمع صوتك و امسك ايدك و اعبطك و شددد و بوسك و كون قريبة منك و شم ريحتك الحلوة اشتقتلك كلك و لكل تصرفاتك الحلوة و حتى لما تبهدلني. تعا قول انا "زي الولاد" و "هبلة" و "بكبر الامور" و "وجعتلك قلبك" بهدلني من صبح لليل انا بقبل حتى لو مش عاملة شي، شوف شو مشتاقة!! بتعرف انا حبيت اسمي اكتر لما صرت انت تعيطلي في، كتير بيطلع حلو منك و بصوتك. على قد محبتي الك على قد ما بدعيلك و بدي تكون مرتاح و بتمنالك الخير. انت كل حياتي انت سعادتي انت قوتي انت سندي انت حبيببي و انت روحي و قلبي و عيوني و عمري انت عشقي، مستحيل اعرف اتخطاك مستحيل اتخلى عنك مستحيل فكر بعد عنك انت الي و قطعة مني بلاك انا ضايعة و لازم انت تكون حدي و تكملني، ما بدي حدا غيرك معك انت بتكفيني انت وجودك بيغطي عن الكل انت مافي منك. انت انخلقت حتى اجي انا و اعشقك و اعشق تفاصيلك و كون حدك و الله ما خلق غيرك انسان بيفوت على القلب بهل سرعة.. بأقصر فترة خليتني اتعلق و اتمسك فيك و حبك و خاف عليك و اتقرب منك. انت احلى و احسن شب بالدني انت اهم شخص عندي. يمكن عم عيد الحكي اكتر من مرة بس هيدي الحقيقة انا عنجد حاسة بكل هيدا و ماعندي مشكلة ظل سنين عم عيد بنفس الحكي لأنك بتستاهل. انت بتستاهل كل الحب و كل الخير و كل الغزل و كل الغنج و كل الاهتام و المشاعر و كلشي عم اعملو او احكي قليل كتير كتير عليك. ياريت فيي اعمل اكتر ياريت فيي عبر اكتر ياريت فيي حبك اكتر و اهتم اكتر بدي غرقك بالمشاعر و تكون مبسوط بسببي بدي بس تفكر بالاشيا الحلوة و بتبسطك كون اول شخص بيخطر على بالك و ما تنساني ابدًا بدي تعرف شو ما صار انا موجودة حدك طول العمر و انت كل الوقت بقلبي. ما حدا بهل دني قادر ياخد مطرحك، قلبي الك و بس. الله يخليلي ياك و يحميلي ياك و ما يحرمني منك و من عيونك الحلوين. يارب ينحل كلشي و ترجع تحكيني بدي اشبع منك.
