كتير مشتاقتلك و عم احسد و غار من كل حدا قادر يشوفك و يكون حدك و كمان من كل بنت و شب بعلاقة و علاقتن طبيعية حاسة بدي ابكي و اغرق بدموعي حتى ارتاح. اشتقت لعيونك و حنيتك و ريحتك الحلوة و الدفا يلي فيك. عنجد انا كتيررر مخنوقة بدي ياك بدي اعبطك اسند عليك و غمض عيوني و اسمع دقات قلبك و ارتااااح صارلي زمان مش مرتاحة انا بحاجتك يا عمري بدي تكون حدي كتير تعبانة بلاك حاسة حالي مرضت والله لازم ارتاح شوي. بس المشكلة انت الوحيد يلي بتريحني و انت بعيد و اذا راحتي مهموم كيف بدو يريحني؟ تقبر قلبي ان شاء الله. من ٣ ايام او يومين بنص ليل عندي قلق مش قادرة نام طلعلي شي خلاني ابكي من الفرح حسيت رسالة من الله الي، حطيتلك ياها للصورة ما بعرف اذا مبينة كله او لا. عنجد انا بحس الله بيبعتلي اشارات حتى ظل على امل و اتفائل بخصوصنا او بخصوصك انت لأنو اهم شي عندي تكون بخير و يمكن قلتلك من فترة اخدت خيرة من القرآن (ما بعرف شو بتقولو انتو باللبناني) بطريقة الامام علي و طلعلي اشيا حلوة و خير و بتعطي امل بخصوصنا و الحمدلله الله ما عم يتركني اغرق بيأس كل ما اختنق كل ما يطلع شي يعطيني امل و يقويني.. و كمان من شي ٣ اسابيع او هيك شي حلمت حلم حلو و بيخوف بنفس الوقت كنت مع بنت لابسة عباية سودا و نقاب و كل وجه مغطى و معها طفل صغير كتير صبي و تطلعت فيي قلت انتِ مين قالت انا فاطمة الزهراء و انا انتِ و كان متل كان انا وياها وجه لوجه و مراية عم نعكس بعض و اجت هي بدا تشيل الغطى عن وجه بس حسيت هي حطت ايدها على راسي و بالحقيقة حسيت حرارة ايد على راسي كأن عنجد في حدا حاطت ايدو على راسي ف خفت كتير و نقزت قمت دغري من نوم و قلبي عم يدق بسرعة و ظليت ضايعة شو سبب هل حلم و ليش و ما لقيت الو تفسير بس بكل حالات تفائلت لأنو هيك شخصية مهمة شفتها بالحلم و كان متل حقيقة و انا ما ببالغ ولا بكذب ولا بخترع انا شفت هيدا الحلم عنجد و الله شاهد اذا كذبت بشي رح يحاسبني. الله يحميلي ياك و يطول بعمرك و يساعدك و يفرجها عليك و يحل مشاكلك و يسهل امرك و ينصرك و يرزقك و يحقق كلشي كلشي بدك يا، يا روحي انت. كتير بحبك انا و كتير بتعنيلي انت و كتير مهم بالنسبة الي ما بقدر عيش بلاك والله العظيم مش عم بالغ، كل ما حاول اقنع حالي كفي حياتي طبيعي ما بقدر لأنو بحس مش مرتاحة و بدي ياك و بحس بنقص و فراغ و بحس حالي مخنوقة و ما بتكمل حياتي الا معك انت. انا ما بعمري حبيت حدا هلقد و تمسكت في و ما بحياتي عبرت عن حبي لحدا هيك طول عمري كتومة و اسكت و خبي او ما فكر عبر بس معك كلشي بيتغير بحس لازم اعطيك حقك و بحس الله خلقني كرمال لما نتعرف ظل ادعيلك و الله يسمع دعائي. اوف شو بحبك بدي جن قوم خبر كل الدني انو بحبك و انو انت اهم شخص و انت حبيبي و حياتي و قلبي و سعادتي و قوتي و سندي و روحي و عيوني و اهم شخص عندي و بلاك بمووووت و اذا ظليت عايشة ييكون قلبي مات لأنو غاب عنك و ما بيدق الا كرمالك صدقني مش عم بالغ بحبك من كل قلبي انت هدية من الله و انا رح حافظ عليك لأخر لحظة بحياتي مستحيل اتركك او اتخلى عنك. انا على طول معك و حدك شو ما كانت نتيجة بيناتنا يا حبي انا رح ظل معك و ادعيلك بالخير. في امان الله حبيبي، اهتم بحالك منيح.
