انا هلق كتشفت شو خسرت لما محيت رقمك و المحادثة!! راحو تسجيلات الصوتية لما كنت تقلي كلمات حلوة و في واحد عم تقلي "يقبرني هل صوت ع صبح" او شي هيك طلع على بالي اسمعو ما لقيت تذكرت انت شو طلبت مني و هلق قاعدة زعلانة و بدي ابكي لأنو ما عاد فيي اسمع صوتك وقت يلي بدي و راحو كل تسجيلات الحلوين! 😭 ليش خليتني امحي كلشي؟ مشتاقة لصوتك بدي اسمعو و ما عاد بقدر كتير مقهورة انا. كيف ما خطرلي رح يروحو التسجيلات!؟ الدمعة بعيني من وقت اكتشفت هل شي، شايف حدا اول ما يفيق يبكي؟ ليش انا بحبك هلقد و متعلقة فيك و بكلشي بخصك؟ ياريت انت هيك معي كمان. ما بعرف بس خرب كل مزاجي و كرهت حالي و رح فوت اكتأب كيف راح كلشي من عندي و انا بحاجة اسمع صوتك. اوقات بحس حالي شخص شفاف وجودي نص موجود و نص مختفي و بحب كون دايمًا موجودة بس ما بتزبط معي.. ياريت لو ظل معي بس تسجيل صوت واحد و اقدر اسمعو منيح و اشبع من صوتك. كتيررر غبية انا كتير كتير، يا ريت اشتغل عقلي و تركت التسجيلات احسن ما انحط بهيك موقف هلق و اكتئب. هيدا من ابشع المواقف يلي بنحط في و بحس حالي غلط و غبية و تسرعت. ما بدي شي بيخصك يروح من عندي خاصةً صوتك لأنو ما عندي غير تسجيلات بقدر اسمعهن و حس انك معي و حس ما تغير شي علينا و قادرة اسمع صوتك الحلو بس هلق بطل فيي😭😭😭
