حياتي، مبارح اول ما غمضت كرمال نام شفت وجك بخيالي و كتير اشتقتلك و قعدت فكر فيك و بجمالك يلي ما شفت منو طول عمري. صدقني مش عم بالغ انت احلى منك مافي، سبحان الله ما احلاك و احلى وجك. تقبر قلبي و روحي شو بحبك انا، كتير كتير كتير بحبك، بتعرف هل شي؟ ما الي غيرك بهل دني و حياتي بلاك ما بتسوى شي. بعرف نحن كلشي معنا غير و مش طبيعي بس ما بعرف ليش متقبلة كلشي و حابة نكفي سوا، ما بعرف ليش بحبك هلقد. عنجد لو حدا تاني و هيك ظروفو كنت هربت من زمان و خفت على حالي و مستقبلي بس معك كلو غير. بحس معك مستعدة اعمل كلشي و خاصةً اصبر. بتخيل انو اذا تزوجنا رح كون كتير مبسوطة و مرتاحة غير انو انت شخص منيح و بحبو بعرف ما بتعطلني همك و بتحاول تعزلني عن مواضيع السلبية (هلق اكيد انا بحب اعرف خبارك كمان بس بحب اتركك على راحتك). من تعب مبارح حلمت اشيا بتخوف كتير بكره لما يصير هيك و بصير اتمنى تكون نايم حدي اعبطك انت و نايم كرمال حس حالي بأمان. انت مش حاسس بجدية و قوة حبي الك، كلشي عم حسو كتيررر كتيرر قوي و جدي و من قلب قلبي من جوا و مشاعري كله حقيقية و مش طبيعية. بحس مستحيل تلاقي حدا بيحب حدا هيك، انت صرت ادماني. انت حلمي، انت احلى حلم و اكبر هدف بتمنى و بسعى انو اوصلو. اكيد مش رح احلم و بس، بدي اسعى و بدي ادعي و بدي اصبر و بدي اتقبل و بدي اعمل كلشي كرمال اوصل لهدفي، ممنوع استسلم و اتعب. لازم كرمالك ظل قوية و كفي لنهاية الطريق، هيدا الشي بتستاهلو انت و عيونك الحلوين. يا حبي و غرامي انت، الله يجمعنا بأقرب وقت. بحبك بحبك بحبك بحبك بحبك والله كتير بحبك انت انخلق الحب كرمالك دخيل الله ما احلاك و شو بتستاهل كل الحب و المشاعر و الاهتمام و اصلاً قليل عليك يا عمري. الله يحفظلي ياك.
