سعادتي، قوتي، حياتي، حبي، عمري، عيوني، قلبي، حبيبي، سندي، غرامي، روحي، يا كلشي بالنسبة الي يا غالي انت، كتيررررر بحبك انا. دخيل روحك دخيل قلبك دخيل كلشي فيك، الله يحفظك و يحميك و يطول بعمرك و ينصرك و يسعدك اضعاف ما انت بتسعدني. انت بتعطيني القوة و بتريحني بس حكيت معي دغري وتنشطت و تغير مزاجي و قمت اتحمم و اقعد مع اهلي. بس تحكيني بنسى كلشي سيء بنسى مرضي بنسى تعبي و بتفائل و بنبسط. الله يخليلي ياك و ما يحرمني منك يا اغلى شخص عندي، بتمنى نجتمع سوا بأقرب وقت و نظل بحياة بعض طول العمر ما في شي يفرقنا ابدًا. انا بحبك كتير كتير و مشتاقتلك كتير كتير، عم اتخيل شوفك و ظل معك و بوسك و اعبطك و امسك ايدك و شم ريحتك و اشبع منك. بالي معك كل الوقت ما بتصدق انو باللحظة يلي حكيتني فيها كنت بعدني عم رتب الالبوم يلي عندي ياه الك و شفت كذا سكرين شوت لألنا و فجأة انت حكيتني دخيل الله ما احلاك. والله انا بلاك ولا شي و حياتي بلاك مش حياة انا بموت باللحظة يلي بتبعد عني فيها. انا ما عندي حدا اهم و اغلى و اعز منك، انت كلشي بحياتي انت سبب يلي بعيش كرمالو و سبب املي بالحياة. انا مستحيل فكر اتركك او اتخلى عنك، بدي كون حدك بكل الاوقات و ما بدي تحس يوم واحد بغيابي بدي تظلك مبسوط و مرتاح انو انا بحبك و حدك دايمًا ايمتا ما بدك و ناطرتك و بدي ياك و بعمل اي شي حتى غيرلك جو شوي او لهيك. ما بنسى لما كنت حدي بكل اوقاتي و خليتني ارتاح و انبسط ف انا معك طول العمر و رح حاول قد ما فيي كون صبورة معك و بهل فترة بستغل الفرصة و بدعيلك صبح و ليل. هيك انت ما بس عندك رفقة شباب اوفيا، عندك حبيبة وفية بتموت فيك و بتحبك قد الدني و رح تظل معك و تخاف عليك و تدعيلك و تساعدك حتى لو بأبسط الاشيا. كتير مبسوطة انو انا اقرب بنت الك و ان شاء الله نظل هيك على طول و كون عند حسن ظنك و قد الثقة يلي عطيتني ياها و ما تندم انك تقربت مني ولا لحظة. نيالي فيك يا عمري انا كتير مبسوطة انو بعرف حدا متلك و قريبة منو و احلى شي انو بتحبني متل ما انا بحبك، هل شي كتيررر بيريح قلبي و بيبسطني بحس حالي مهمة و مميزة. انا بشوف حالي فيك و اليوم يلي رح تصير في الي رسمي بدي قوم ارقص بالشارع و خلي كل الدني تعرف انو نحن لبعض و اخيرًا تحقق حلمي و صرت مع يلي بحبو بعد كل هل وقت. كتير صعب واحد يكون بعيد عن يلي بيحبو، ان شاء الله نقدر نكون سوا و المسافة تقل. حطيتلك اغنية كلماتها الك، ما بعرف اذا بتحب هيك او يمكن ما بتحب تسمع اغاني بس اذا حبيت تسمعها و قادر اسمعها لأنو الكلمات كتير حلوين و انا بس اختار اغنية يعني بحسلك كلشي عم ينقال فيها كلمة كلمة و اول ما اسمعها بتذكرني فيك و ب حبي الك و يا ريت شي نهار نكون سوا اسمعهن معك. انتبه على حالك قلبي، بعشقك. ❤️
