صباح الخير قلبي كيفك؟ حلمت فيك اليوم كان حلم غريب و فايت ببعضو بس الحمدلله على القليلة شفتك و حكيت معك. بتعرف بس اكتبلك هيك بتذكر ايام قبل لما قررت اكتبلك و عبرلك عن مشاعري و حبي. يمكن انت بعدك لهلق مستغرب من هل شي و خاصةً بهل فترة، الصراحة حتى انا بستغرب من حالي. صح انا شخص بتعلق بسرعة و يمكن انو كون بحاجة لحدا بحياتي بس ما بعمري تصرفت هيك و تمسكت هيك بحدا. بتذكر انو كنت اتجنب عبرلك بخاف من ردة فعلك و بحس حالي غلط انو من طرف واحد و حتى انا مش من نوع يلي بيعبر عن حبو، اوقات اهلي كانو يتمنو قرب عليهن او عبر عن حبي بشي بس كنت خاف و اكبت بقلبي لأنو تعودت ما حدا يسمعلي و يعطيني الاهمية كرمال نكون نحن التنين عم نعبر لبعض. معك انت كلشي تغير، صرت حب احكي لأنو بعرف من جوا انت مبسوط بكلشي بكتبو و يمكن بوقتا كنت حاسس بحبي و حابب اعترف. على فكرة كتير بتمنى لو انت كمان نفس شي و كنت واضح معي و قادر تعبرلي عن اي شي مش بس حب، يمكن يكون احساس تاني او هيك. انا كمان بوقتا قررت عبرلك عن كلشي و غرقك حب و اهتمام و مشاعر لأن انت شخص بتستاهل كل هيدا و اكتر و لأن خفت يجي يوم تغيب عني و اندم انو ما حكيت شي. انا بعرف انت شخص مش بلا احساس و عندك احساس و بتفكر بس الحياة جبرتك تتصرف بهل طريقة و تبعد عن موضوع الحب بس يلي انت ما كنت عم تلاحظو انو انت بقيت معي رغم قرارك انو مش وقت الحب، يعني في شوية تناقض و يمكن لأنو انت كمان بتحبني و حابب نظل بحياة بعض يعني نفس شي و ما وقفت على كم كلمة. كتير كان عبالي تعبرلي و تهتم فيي اكتر و تقلي بحبك دايمًا و تقلي شو حاسس تجاهي و شو رأيك فيي.. كنت انا بحاجة كتير منك انت بالذات و حاول خليك تحكي بأي طريقة. لما قلت بتحبني تاني مرة قبل راس السنة كتير كتير كتيرررررر انبسطت حسيت ربحت شي وصلت لإنجاز كبير و وصلت لمرحلة كتير قوية معك. انا ما تقصدت تحبني بالقوة انا بس فرجيتك كلشي جواتي بلا تمثيل ولا مبالغة و انت قدرت تحبني بسبب هل شي. صح بتمزح معي انو عم اسحرك بس القصة انو انا نيتي صافية تجاهك و حبيتك من قلبي و مافي انسان بيكون هيك ما بيوصل ليلي بدو ياه، حتى انو هل شي خلاني كوم مميزة بحياتك و ظليت معي. حاسة لازم دايمًا اكتبلك كرمال بوقت فراغك تقراهن و خفف عنك شوي. اصلاً انا كتير مبسوطة انك كتبت ظلك اكتبيلي، اكيد يا حبي رح ظل اكتب و ان شاء الله يكونو عم يعجبوك. الحلو انا اخباري ما بيخلصو و هيدي فرصة طلع كلشي جواتي. اكتر شي بتذكرو هل ايام اخر مرة شفتك فيها شو كنت مبسوطة و مرتاحة معك. كان كلشي كتير حلو و بتشكرك على هل ذكريات و لأنك دايمًا بتحاول تبسطني و انا بقدر هل شي كتيرررررررر. نحن كتير منشبه بعض من جوا كرمال هيك اتفقنا و حكينا مدة طويلة، يعني بغض النظر عن انو انت عصبي و في كتير اشيا ما بتحبا بس حنوووون و قلبك طيب و كمان نيتك صافية تجاهي كرمال هيك انا عندي ثقة عميا فيك. اول ما تعرفنا و صرنا نحكي بس شوف طريقة اهتمامك ابكي من الفرح حسيت عنجد في حدا مهتم من قلبو مش مصلحة مش تمثيل ولا كذب، و ما بنسى ابدًا لما قلتلك مريضة قبل ما نصير نحكي واتساب صرت تتطمن عني مع انو منحكي من شهر لشهر بس انت كنت الوحيد يلي تطمنت عني. ما بنسى انك كنت تسهر معي و انت ما بتحب السهر و ما بنسى انك ما بتحب وجع راس و كنت تظل ساعات تروق اعصابي و تحاول تفهمني لما نتخانق و ما بنسى انك تضيع نهار كامل حتى تشوفني شوي و ما بنسى انو ما بدك بنت بحياتك و تقبلتني و ما بنسى انو حبيتني رغم كلشي و ما بنسى انك تغيرت كرمالي و انك وفيت بوعدك و ما تركتني فجأة و انك سايرتني بكتير مواضيع و خفت ازعل. انا ما بنسى ولا عمري رح انسى لأنو مش بس بحبك انا روحي معلقة فيك و قلبي بينبض كرمالك و عيوني ما بيشوفو غيرك و كلشي فيي ملكك انت و بس. معقول في حدا بيحب حدا هلقد؟ ما تقلي اي و انو حبوك بنات قبل لأنو هل شي مش صح و انا حبي الك ما بيصير منو ٢ و لا في بنت ممكن توصل لشوي من حبي الك و ما بتلاقي متلي حدا بدو ياك كل وقت. يؤبرني حبيبي انا دخيل قلبك شو مشتاقتلك ان شاء الله تكون بخير و انا اكيد بكون بخير كمان. الله يخليلي ياك و ما يحرمني منك. مواه بالعربي 🥲😘
