كيفك يا قلبي؟ بعرف طولت عليك بس كان عندي امتحانات ورا بعض و ما عرفت نام و اقعد طبيعي و الحمدلله كلو تمام بس تعبانة من جوا قلبي و بدي ارتاح. انا كتير اشتقتلك، انت مش مشتقلي؟ بحب اعرف او حس انك دايمًا بتحب تقرا يلي بكتبو و بتنطرني نزل جزء جديد. ان شاء الله كلشي تمام و مرتاح و عم يصير كلشي بدك ياه، اكيد كل الوقت بالي معك حتى لو ما عم اكتبلك شي. مبارح كان عندي ٣ امتحانات ورا بعض من ٨ و نص لل ١ و تعبت كتير رجعت للبيت عم ارجف من تعب و نمت كتير و نمت بكير و اليوم كان عندي امتحان كان كتيرر صعب بس الحمدلله الدكتورة صلحتو دغري و جبت ٨٨. و هلق عم اكتب و تعبانة بس ما بدي طول الغيبة قلت بكتب لو شي صغير و بعوضك بعدين اكيد. اليوم كان عندي بريك طويل قعدت فكر فيك و تخيلت ياريت لو كنت عايش قريب و معي بالجامعة و منظل سوا و مندرس سوا و منعمل كلشي سوا. عنجد كتير اشيا بتذكرني فيك و كمان صورك يلي عندي بالتليفون اكتر وحدة مأثرة فيي الجديدة يلي طبعتا كتير حلوة و بتعنيلي. دخيل قبلك شو حلو انت و كيوت و بتنحب و بتنحط جوا القلب. في كتير اغاني كنت اسمعن دغري فكر فيك و كمان نزلن ستوري بيكونو الك حطيتلك وحدة منن، هلق ما بعرف اذا عم تسمعن او لا و اذا سمعت عم تركز بالكلمات و اذا عم يعجبوك بس حبيت جرب شي جديد اوقات الحكي ما بيعبر قد الاغنية و خاصةً اللحن. في لحن تركي يمكن اوقات بيطلع عندي بالصدفة بس اسمعو بحس قلبي عم يتقطع من جوا شقفة شقفة و اتذكرك كأنو اللحن صوت قلب موجوع و مشتاق لحدا. ياريت فيي حط شي جهاز براسك و اعرف كل افكارك تجاهي بحس شي حلو و بصير بفهمك اكتر و بعرف اشيا اكتر. بتمنى من قلبي و بدعيلك تكون مرتاح و الله يقويك و يسهل امرك و يحقق امنياتك بدي قريبًا اسمع اخبار حلوة بدي ياك مرتاح و ان شاء الله الله ينصرك. الله يخليلي ياك و ما يحرمني منك و ياخد من عمري و يعطيك و يسعدك و يحفظك، الله لا يضرني فيك و كون شاهدة دايمًا على اخبارك الحلوة. عنجد هل شي بيكفيني و بيريح قلبي. انتبه على حالك و اهتم بحالك لازم تاكل منيح و تشرب منيح و اهم شي تصلي و تدعي لالله و حاول تقرا الدعاء يلي حطيتو لو طويل اقرا شوي منو و انا بقرالك اية الكرسي دايمًا و بدعي الله يحفظك انت و اهلي. ما تنسى حنصير بأخر ١٠ ايام من رمضان و ابواب السما مفتوحة و ادعاء مستجاب و ليلة القدر قريبة، يارب تصير معجزة معك و ينحل كلشي متل ما بدك بالضبط. اذا طولت شي مرة اكتبلك حاول اقرا الاجزاء القديمة بتتسلى فيهن يا عمري. بحبك كتير انا يا حبيبي و روحي و حياتي انت، ان شاء الله بتقبر قلبي. ❤️
