صباح الخير حبي، من بعد مبارح انا كتير مبسوطة و مرتاحة. صح بالأول بكيتني و هيدا اكبر دليل عن حبي و خوفي عليك بس لما صرت تقلي بحبك اكتر من مرة نسيت كل دني.. كتير كتير كتيرر كان عبالي يجي يوم تحكي معي بهل طريقة و تعترف بحبك الي، مش مصدقة اجا هل يوم بغض النظر عن ظروفك يلي عم تقطع فيها يلي واقفة حاجز بيني و بينك. بس انا مستحيل اقبل اي شي يأثر على علاقتنا سوا، ما صدقت انك حبيتني من قلبك و وصلت لشي بدي ياه من زمان.. انا بعتذر لأنو بينت كتير تافهة و سلبية كرمال موضوع عيد ميلادي، والله ولا نهار قللت من أهمية و جدية مشاكلك و انا اكتر شخص بفهمك و حاولت افهمك و حاولت كون اجابية كتير و اتحمل بعدك عني، تتذكر لما كنت تغيب عني نص نهار كيف ازعل و ابكي و اعمل مشاكل لأنك ما حكيتني؟ انت احلى شي صار بحياتي و ما بنسى كيف كنت مبسوطة معك و مرتاحة، كرمال هيك صعب اتقبل حدا يفوت على حياتي غيرك. مش يعني غيرك مش عارف يبسطني او يريحني او خلصو الشباب، يعني انا عقلي ما بيستوعب حدا غيرك جواتو.. و حتى قلبي مش قادر يحب غيرك. صعب يرجع يفوت على حياتي انسان جديد و بلش معو من صفر و خاصةً انو انا بعدني بحبك الك و متعلقة فيك، مش عدل اتعرف على حدا و قلبي و عقلي مع حدا غيرو. مبسوطة كتير انك مشتقلي و بتحبني و بعدك بتحكي معي رغم كلشي، و انا مشتاقتلك كتيررر و بحبك اكتر بكتير انا عنجد بموت فيك و مغرومة فيك و بعشقك عشق مش طبيعي اكتر ما انت بتتخيل بكتير. شايف كيف كلمة منك بتأثر عليي؟ عنجد نسيت كلشي نسيت الدني نسيت مشاكلي و الكآبة يلي عايشة فيها و كلشي ضغوطات بحياتي بس بكلمة وحدة منك عطيتني سعادة و امل بالحياة و قوة. مبارح قبل ما نام ظليت ادعيلك و ان شاء الله يتحقق كلشي طلبتو حتى لو طول شوي انا على امل انو ينحل كلشي و ترجع حياتك طبيعية و نتواصل بشكل طبيعي. اي صح انو بعد عندي هدف واحد بس متل ما قلتلك ما بيأثر اذا ما صار لأنو بيهمني تكون منيح و مرتاح.. اكيد ما رح كون زعلانة اذا وصلت لأخر هدف يلي هو نتزوج و كفي حياتي معك بس كمان مافيي اجبر شي يصير اذا الظروف ما بتسمح و انا عم حاول اصبر و اختار الشي يلي مناسب بلا ما ركز كتير على مشاعري. و اكيد يعني مش رايحة مطرح انا باقية هون ناطرتك و بحبك و بدي ياك و بدي قربك و بدي اتواصل معك و ظل حدك كل وقت، اول ما تكون بحاجتي رح اجي دغري و احكي معك قد ما بدك و لهيك و غيرلك جو و نسيك كلشي سلبي لو شوي. ياريت فيي اعمل اكتر من هيك، بتمنى لو بأيدي ساعدك و حل مشاكلك كرمال شوفك مرتاح. بس اتذكر كيف كنت تحاول تحل مشاكلي و تبسط الامور و تسندني بحكيك و تقويني بنقهر بقول ياريت انا كمان قادرة اعمل نفس شي. حرام قول الحياة مش عدل لأنو الله ما بيعمل شي بيأذي حدا و في عبرة من كلشي عم يصير حتى لو مش متل ما نحن بدنا، بس بنقهر لما شوف انا وياك منحب بعض و مش قادرين نكون سوا. انت شايف الايام يلي كنت فيها رايقة و عم نضحك كل وقت و متفقين على كلشي؟ و كمان اخر مرة شفتك و كيف كان كلشي حلو و بطل في شي فيي سلبي؟ بوعدك ظل هيك على طول حتى ما تحس ولا لحظة انو انا سبب من اسباب انك متضايق و تصير تفكر فيي دايمًا تتذكر انا شخص بيبسطك و بياخدك على عالم تاني. انا اكيد كتير كتير حابة شوفك و رح حاول زبط كل تفاصيل و ما تفكر بس قول شي يعني عم سكرها بس انت ما بتعرف كيف ظروفي بالبيت و كيف في اشيا ممنوع اعملها بلا اذن منن.. مش حابة كون عم ودعك اذا شفتك انا حابة تظل معي دايمًا بدي خبيك عندي و بقلبي و سكر عليك. انا ما ببالغ لما قول رح انأذى اذا غبت عني، ولا بعمري بالغت او زدتا بالحكي حتى بين كتير مهتمة و نهاية العالم اذا غبت.. هي عنجد الدني بتخلص بالنسبة الي اذا غبت و بدي اعمل اي شي و ظل ادعي و اتوسل بالله يحميلي ياك وين ما كنت و ينصرك و يسهل امرك. انت شخص كتير غالي على قلبي و انا ما بتخلى عنك و ما بفكر بغيرك انا متعلقة فيك من كل قلبي و ما بقدر كفي حياتي بلاك لأن انت حياتي و انت سبب قوتي و صبري و تحملي و سبب تغيري للأحسن و انا ما بنسى فضلك عليي و كلشي منيح عملتو معي او كرمالي. بس حط حالك محلي و افهمني، كيف ممكن بعد كل هيدا قرر اتركك؟ سألتني ليش عم وجع قلبي معك.. هيدا ما اسمو وجع قلب لما يكون حب و على الاقل في نتيجة انو شوفك مرتاح بعيوني او نكون لبعض.. انت فداك قلبي و روحي و حياتي و انا بفضل انطرك و اهتم فيك و كون حدك بدل ما ضيع وقتي مع اوهم حالي انو مبسوطة بلاك او مع غيرك. انا بعمري مش رح لاقي متلك، ما بعرف ليش بحس مافي منك و هل شي بيخليني خاف ابقى وحيدة كل حياتي لأنو بدي حدا متلك و مافي و بدي ياك انت ما بدي كفي حياتي مع شخص تاني. بصدق انا بعد كم سنة نصير سوا و عندنا ولاد بيشبهوك؟ ما بدي بس يشبهوك بالشكل يدي يكونو متلك بكلشي و يكبرو يحبوك و يحترموك و يكونو سند الك متل ما انت سند لعيلتك و تكون فخور كتير فيهن و تغير رأيك انو الولاد مزعجين او ما بينحبو.. بحبك كتير كتير كتيررر من جوا قلبي ياريت لو في كلمة تانية او حكي تاني ممكن يعبر عن كلشي بحسو، انا بحاول قد ما فيي عبر و بحس قليل و مقصرة معك بدي دايمًا تتذكرني انو انا اكتر شخص بيحبك بهل دني و بيحب يعبرلك و يهتم فيك و بدو يكون معك للابد. الله يخليلي ياك و ما يحرمني منك حبيبي انت و حياتي انت و عمرررري كلو انت. دخيل قلبك شو بينحب دخيل روحك، الله ياخد من عمري و يعطيك و يحفظك و يسعدك و يرزقك و يحل مشاكلك و يريح بالك و يطول بعمرك و يسهل امرك و يعطيك القوة و الصبر. يا رب كل لحظة كل كلمة بسطتني فيها الله يردلك ياهن أضعاف. انت بتستاهل كل الخير والله، ان شاء الله الله يسمع مني بهل ايام الفضيلة و يغير قدرك لأحسن حال حتى اشكرو صبح و ليل. بحبك بحبك بحبككككك.
