كيفك حبي؟ وين راح الانستا تبعك؟ استغربت شو القصة و خفت.. انا ما ناقصني اعصابي تعبانة من اشيا عم تصير بالبيت، عم يروح فكري لبعيد و عم خاف عليك. ان شاء الله ما في شي. ما عم اعرف شو اكتب و شو اعمل راسي موتني وجع بالي معك و تعبانة. من غير اكاونت فتت لعندك مبين موجود عادي بس بدون صور او شي و بيطلع no internet connection كأنك مسكرو deactivate . بعرف من يومين حكينا بس بالي عندك و خايفة كتير و عم فكر فيك شو الوضع و شو عم يصير معك. فتت هلق طمن حالي شوي على فيس بوك ما لقيت شي ان شاء الله خير. كتير بحبك انا والله اذا بيصيرلك شي بعيد شر بلحقك دغري بموت من بعدك، ما بدي عيش حياتي بلاك ولا لحظة. كتير انا متعلقة فيك ما بتقبل فكرة تبعد عني شو ما يكون سبب. انت منيح يا عمري؟ طمني بترجاك. على فكرة انا نسيت احكيلك صايرة بس نحكي او شي عقلي ما بيكون معي، عملت فحص دم طلعت مناعتي ضعيفة و عندي فيتامين ب١٢ ناقص شوي و عملت فحص تاني لأنو كليتي شوي عم توجعني طلع مافي التهاب القديم بس في شوية دم بالمجرى ف لازم اعمل صورة ct حتى يبين ليش و هيك و انا صارلي فترة تعبانة اصلاً و كوكي مريض عيونو منشفين لازم حطلو نوعين قطرة عيون مرتين باليوم عم يعضني ١٠٠ مرة و يطلع روحي لأنو ما بيحب حدا يقرب على عيونو كلشي براسي انا هلكني و ماما مريضة و بتعرف انت جو البيت كيف كرهانة حالي و كرهانة كلشي انا بحاجتك كرمال ارتاح و كون منيحة. فوق كل هيدا انا بآخر اسبوع الجاي ببلش امتحانات نهائية و رح اتعب كتير عندي كتير درس و بدي جهز حالي لفصل الصيف اذا قدرت اخد مواد في.. و انا بالي معك ما بعرف كيف قطع هل فصل بلا ما اتراجع لورا و قصر بدرسي و باقي الامتحانات النهائية بتحدد مصيري لأنو عليهن اكبر % خايفة ينزل gpa و اخسر الخصم. بعرف انا بحكي كتير بعتذر بس عم فسرلك و فضفض بنفس الوقت و بدي اكتب و شوف اذا رح تقراهن و طمن بالي انك بخير و موضوع الانستا طبيعي و ما في شي. بعرف انا ببالغ كتير و بكبر الامور بس مش ب ايدي يمكن لأنو ما بعمري حسيت ب امان و استقرار بشي و بخاف عليك لأنو بحبك و بتعنيلي كتيررررر انا والله حياتي بلاك ولا شي انت اعز شخص و انت حبيبي و اغلى ما عندي. الله يحميلي ياك بدي ظل ادعيلك صبح ليل صبح ليل لحتى اوصل لمرحلة الله يسمعلي و يغير الاقدار و كلشي يتحسن و توصل لكلشي بدك ياه بدون خسارة بدون ضرر.. انا كتير مشتاقتلك مشتاقة شوفك و كون معك و عم اتمنى شوفك لو دقيقة و اتأمل فيك مع انو انت لو بتعيش معي ١٠٠ سنة ما بشبع منك.. انا اليوم فتحت اول محادثة النا على واتس اب و بعترف انو كذبت عليك بشي بلا ما حس قلتلك انو ما رح فجأة قلك بدي علاقة و نحن رفقا و مدري شو و انو بعرف كيف ما اتعلق.. اخر شي عملت عكس كل هيدا يعني كذبت عليك بلا ما حس و ما طلعت قد الحكي يلي حكيتو بس شو اعمل اذا انت هيك بتنحب و ما عم اعرف طلعك من عقلي و قلبي؟؟ شو اعمل اذا انت سيطرت عليي و على مشاعري؟ فيك كلشي حلو من شكلك لشخصيتك و نفسيتك و بدك ما حبك و اتعلق؟ متت فيك غرقت بحبك عشقتك وصلت لمرحلة من الحب صرت ادمن عليك و بدي ياك بكل اوقات و بدي كلشي معك انت و بس و ما عاد بدي غيرك انت وجودك بيلغي حضور كل العالم لأنك اهم شخص و معبي عيني و بتجنن من كل نواحي انا معك بحس حالي مرتاحة و كلشي perfect. هلقد بحبك انا لدرجة صرت شوف حياة حلوة و عندي امل و طموح كفي و احلم و نفذ و انجز اشيا كتيرررر بس اذا انت بتغيب انا ما رح اعمل شي من هيدا رح انهار ف بدعي من الله يحميلي ياك و ما يحرمني منك ابدًا ابدًا و الله اعلم بكلشي بقلبي و تعلقي و حبي الك كتير واضح بتمنى الله ما يزعلني و يضرني فيك. بحبك لأخر يوم بحياتي يا حبيبي انت نيالي فيك يا حبيبي. كل ما تقدر تطمني عن حالك طمني و ما تتطول الغيبة يا روحي بشتقلك و بخاف عليك و بصير خبص بالافكار متل ولاد.
