Mi Amore Series#1 My Mute Maid

Chapter 4

Nanonood ako ng tv nang may kumalbit sa balikat ko, pagtingin ko si maid. Binasa ko ang nakasulat sa white board nya na binili ko sa mall. Mabuti at hindi nya na ginamit ang sketchpad nya, ano silbi ng binili ko sa kanya kung hindi nya gagamitin.

May pinadala po si Sir Right na chocolate cake kasama po ang isang kahon po.

"Ipaghanda mo ako ng cake at pakidala dito yung kahon." utos ko at ibinalik ang tingin sa tv.

Ilang linggong tinagal dito ni maid at nasanay na ako na nasa paligid sya ng bahay ko. Hindi na ako masyado nagkikilos sa bahay dahil sya na ang gumagawa. Okay naman si maid, masipag syang kumilos, natural kailangan nya magsipag kung ayaw nya matanggal sa trabaho. Nakakairita lang minsan dahil nasasayang ang oras sa pagsulat at pagbura ng sinusulat nya. Yung talaga ang nakakairita sa kanya, yung tipong nagmamadali ako at nagsusulat pa sya para sa sasabihin nya, nakakabadtrip kaya minsan nilalayasan ko sya. Ang bagal eh! Sayang sa oras, mahalaga sakin ang oras kaya lahat ng bagay na kailangan gawin tinatapos ko na para at least hindi ako magahol tapos sa pagsusulat nya pa lang ay nauubos ang isang minuto at segundo ko? Dapat talaga pinilit ko si Mama na ibahin maid ko eh. Nahihirapan ako makipag-communicate sa taong ito.

"Nasaan ang cake ko?" tanong ko kay maid. Yung kahon lang kasi ang dinala nya.

Imbis na sagutin ako ay umalis sya. Langya ang bastos non ah kinakausap ko tapos nilalayasan ako? Tsk..

Binuksan ko ang kahon na pinadala ni Right. Mga libro ito na kailangan ko sa walangyang thesis na yan na nagpapahirap sa mga estudyante na maggra-graduate.

Tinignan ko ang tray na dala ni maid.

"Wala naman akong sinabi na magdala ka ng juice, bakit may juice dyan? Cake lang ang sinabi ko hindi ba?" sabi ko. Napayuko sya dahil don. Tsk...ito pa ang nakakainis sa taong 'to eh, kung ano inutos ko may kasama pang iba. Kung ano inutos ko yun lang ang gagawin nya wala ng iba.

"Ibalik mo yang juice at ikuha mo ako ng tubig." sabi ko. Agad naman syang sumunod.

Sumubo ako ng cake. Biglang may pumutok na baril kasunod ng pagbasag ng babasaging bagay sa kusina. Agad akong tumakbo papunta don. Nakita ko si maid na nakayuko habang nakatakpan ang mga tainga nya gamit ang dalawang kamay nya at sa harap nya ang basag na baso. Nagulat siguro sa putok ng baril, miski ako nagulat eh muntik pa ako mabilaukan.

"Linisan mo na yan, titignan ko kung ano nangyayari." utos ko sa kanya. Tumango lang sya at sinimulan na damputin ang basag na baso pero napansin ko na nanginginig sya habang dinadampot ang basag na baso.

Umalis na ako at lumabas ng bahay. Mukhang hindi lang ako ang nabulabog sa putok ng baril dahil nakita ko ang mga kapitbahay ko na nagsisilabasan at inaalam kung ano ang nangyari.

May mag-asawa lang pala na nag-aaway dahil may kabit yung babae. Tinutukan ng asawa ng babae yung kabit ng babae at sa takot siguro na mapatay sya ng asawa ay nakipag-agawan ang kabit sa asawa at pumutok sa ere ang bala. Agad naman hinuli ng mga guwardya ang dalawa at dinala sa baranggay para mag-usap.

Umalis na yung mga gumawa ng eksena pero itong mga kapitbahay ko todo sa tsimisan sa nangyari. Mga chismakers. Pumasok na lang ulit ako sa loob dahil ayokong makisawsaw sa kanila.

Pumunta ako ng kusina para tignan kung nalinis na ba ni maid ang basag na baso. Nalinis na nga nya. Aalis na dapat ako nang may napansin akong dugo sa sahig. Konti lang ang dugo, siguro isang butil lang ng bigas pero dahil pula ang kulay at puti ang tiles ng bahay ko ay madali kong napansin.

Hinanap ko kung nasaan si maid. Nakita ko sya sa harap ng basurahan, nakatayo lang sya don pero halata na naginginig ang katawan nya. Hindi pa sya naka-move on sa putok ng baril?