Part 46
Singto
Newက Bossကိုခေါ်လာလို့ ကြောက်နေသည်။ Newကြောက်တာလည်း မမှားဘူး သူဌေးကြီးက Newအိမ်မှာ Bossကိုမိရင် New အလုပ်ပြုတ်သွားမှာ သေချာသည်။ ကျွန်တော် ခရီးဆောင်အိတ်ထဲ အဝတ်တွေထည့် လိုအပ်တဲ့ ပစ္စည်းတွေ အဆင့်သင့်ထည့်ထားလိုက်သည်။ Newက သူစုထားတဲ့ ပိုက်ဆံကို ကျွန်တော်ကိုပေးသည်။ ကျွန်တော်လည်း မယူချင်ပေမဲ့ လိုအပ်တာမို့ အားနာနာနဲ့
ယူထားလိုက်သည်။
" ကျေးဇူးတင်ပါတယ် New "
" မလိုပါဘူး P'Sing ကျွန်တော်က P'Sing ကိုစိတ်ပူတာ Pတို့ ဘယ်သွားမှာလဲ Pရဲ့ဇာတီ ချင်းမိုင်ကိုပဲပြန်မှာလား "
"ချင်းမိုင်ပြန်ရင် တန်းမိမှာပေါ့ ငါBossကို အဆုံးအရှုံးမခံနိုင်ဘူး ပြီးတော့ သူဌေးကြီး လက်ထဲလည်း ပြန်မထည့်နိုင်ဘူး ငါ မယ်ဆိုင်ထိ သွားမယ် "
"မယ်ဆိုင်ဆိုတော့ ထိုင်းနယ်စပ်ထိပဲ အဲ့လောက်အဝေးကြီး သွားဖို့ လိုလို့ လား "
"Diamond Royal Company လုပ်ငန်းစုနဲ့ လွှတ်အောင်ဆို အဲ့အထိသွားမှရမှာ သူဌေးအကြောင်း
ငါသိတယ် Boss ကို မတွေ့တွေ့အောင်ရှာမှာပဲ "
" P'Sing နေရာအတည်တကျ ဖြစ်သွားရင် ကျွန်တော်ကို ဖုန်းဆက်ပါ အကူအညီလိုရင် ကျွန်တော်လှမ်းကူညီရအောင်လို့ "
" အင်း ကျေးဇူးတင်ပါတယ် New "
"ဒါနဲ့ P'Singကသာ စီစဉ်နေတာ Bossက လိုက်မှာရောဟုတ်ရဲ့ လား အမြဲတမ်း ချမ်းချမ်းသာသာနဲ့ နေလာရတဲ့သူဆိုတော့ "
"လိုက်မှာပါ New မင်းတို့Boss အကြောင်းမသိသေးတာက Boss က ငွေကြေးချမ်းသာ ဂုဏ်ပကာသနထက် ချစ်ခြင်းမေတ္တာတရားကို
ပိုတန်ဖိုးထားတယ်သူပါ "
" P'Singအတွက် ကျွန်တော်ဝမ်းသာဂုဏ်ပြုပါတယ် "
New နဲ့ စကားပြောပြီး ကျွန်တော် အခန်းထဲပြန်ဝင်လာခဲ့သည်။ Baby လေးကတော့ ကုတင်ပေါ်မှာ နှစ်နှစ်ခြိုက်ခြိုက် အိပ်ပျော်နေသည်။ အိပ်မပျော်နိုင်တာက ကျွန်တော့် .. ကျွန်တော့်အိပ်မရသလို New လည်း စိတ်ပူလို့ အိပ်ပျော်သေးမှာ မဟုတ်ဘူး။ အပူအပင်မရှီ အိပ်ပျော်နေတာ ကျွန်တော့်ရဲ့
အမူးသမားBabyလေးပဲ ဖြစ်သည်။
