Ang Tibong Inlove |Season 1

CHAPTER 23

Alline's POV

Today is P.E namin.

Ang laro namin is Basketball. May iba't ibang schedule yung mga laro namin. Minsan, nagbabAseball kami and table tennis. Ang iba naman is Volleyball, football, badminton, soft ball and many more.

Lima kaming mga bakla na naglalakad papunta sa court, hindi kami kasali sa pila kasi sabi ni Baklang Jona. Kapag gusto niya, gusto niya. Shala!

Pinili kami ni Sir Algapa sa first game. Ang kalaban ay ang mga fafa namin. Kahit naman ganito kami kalambot na mga bakla ay magaling naman kami sa basketball, 'no..

"First game kayo.. paunahan maka-score ng 10 walang 3 points, walang 2 points! Puro 1 point lang kahit makashoot kayo ng pang 3 points ay 1 lang 'yon.. Okay!?"

Tumango kami

"So, guys.. Jump ball tayo!"

Si Baklang Jona ang nakapwesto sa jump ball dahil siya ang mas mataas sa'ming mga bakla sa kabila naman ay si Aldrin..

Nang pumito si Sir ay si Aldrin ang nakapalo. Kinuha ni Gerald ko.. Tumakbo siya habang nagdidrible kaso naagaw ko naman at pinasa sa Baklang Rj.. Pumwesto siya sa 3 points at shinoot!

'1 lang naman ang point leche!'

Agad kaming pinahinto ni Sir para pagpahinga ng konti at habang nasa gitna kami ng pag-inom ng tubig ay lahat kami napatingin sa mga kaklase naming mga babae na nakataas ang mga kilay..

Nakatingin sila sa pintuan ng entrance ng court kaya tumingin kami doon.

Napatigil ako nang makita si Anella na nakatitig sa'min, hindi ko alam kung kanina pa siya doon pero kasi nakasandal lang siya sa pinto nang punong-puno ng angas!

Aaminin ko ng napakaangas nga niya. Kahit hindi naman intensyong magmukhang maangas, natural lang..

"Oh!" gulat na asik ni Sir Algapa at kumaway kay Anella.. "Hi, Miss Repzimo!" ngiti nang bati ni Sir Algapa.

Tumango naman sakaniya si Anella at naglakad papunta sa'min.. "Akala ko kung sino yung nag-iingay, kayo pala."

"Kanina ka pa ba d'yan, Miss Repzimo?"

"Actually, ho.. kararating ko lang din.. Dahil may lahi akong chismosa, tinignan ko.."

"Aba'y, magaling! Wala ka bang klase?"

"Wala naman, ho.. Ay, Sir, pwede pahiram bola?"

"Aba, oo naman! Basta't pakitaan mo ako, ha!"

"'Yon ba ang gusto niyo?"

Tumingin agad ako kay Jona na napataas ang kilay at mataray na pinagmasdan si Anella..

"Yeah, yeah!"

"Okay.. Watch me,"

Napatili sila Rc nang biglaang ihagis ni Sir Algapa ang bola sa gawi ni Anella.

'Oh, shoot.. Paano niya nagawa 'yon?'

Ang akala ko hindi masasalo ni Anella dahil talagang biglaan 'yon. Kasi kung ako ang ginano'n t'yak na matatamaan kaagad ako sa mukha. Pero siya hindi.

Sinalo niya kaagad 'yon at ngumisi pa kay Sir Algapa na nakangiting umiling-iling..

"Baka naman paglaruan mo lang 'yan?"