Ang Tibong Inlove |Season 1

CHAPTER 53

Anella's POV

Dumaan ang Linggo, Lunes, Martes, Miyerkules at ngayong Huwebes ay parang pinagsakluban ng langit at lupa ang mga kaibigan ko, nalaman pa nilang naghiwalay na si Irene at Cj.

"Shiiiiiit!!!! Kinakabahan akoooooooo!" malakas na sigaw ni Julzia kaya napabaling ng tingin saamin ang mga kaklase namin.

"Sasali kayo bukaaas?" gulat na tanong nila, tumango-tango naman yung apat...

"LUH!"

"BAKIT HINDI NIYO SINABI?!"

"OO NGA!"

"E-eh.. nakakahiya kasi, eh.."

"Bakit nakakahiya?! Dapat nung nakaraan niyo pa sinabi, edi dana may banner na kaming nagawa! Sus naman!"

"Ay, sorry naman ha? Kabado bente kasi kami.. Pero, thank you padin hehe."

Napangiti ako ng tipid habang pinagmamasdan silang lahat na magsihampasan dahil daldalan na ang sinisimulan nila.

Alam kong kinakabahan sila Julzia. Kahit ako, pero mas lamang ang tiwala ko sakanila dahil alam kong gagawin nila ang lahat. Matalo man o manalo. Si Irene naman bagamat tahimik pero nararamdaman kong kinakabahan din siya dahil nagiging mamasa-masa ang kamay niyang nakakapit sa braso ko..

"Ayos ka lang, Irene?" tanong ko kaagad kaya tumango-tango siya..

"Kinakabahan ako para bukas, baka 'di kami manalo," napapabuntong-hininga na sabi niya.

"Kaya niyo 'yan! Nandito lang kami para sa inyo.."

"Thank you! Tara mag recess na tayo," hawak niya sa kamay ko. Hinaplos ko naman ang likod ng palad niya at hinayaan siyang kalabitan yung tatlo para sabay-sabay na kaming bumaba.

Pagkarating naman sa canteen ay sila Kuya Alrine at Kuya Albir agad ang bumungad doon sa palagi naming pwesto. Tumabi ako kay Kuya Albir tapos pinagmasdan si Irene na umupo sa tabi ni Kuya Alrine na napatikhim at hindi man lang mabigyan ng sulyap si Irene..

'Anong nangyari d'yan? Nagkakailangan?'

Iniwas ko na lang ang tingin ko sakanila at sakto naman non ay nakangiting nagsalita si Kuya Albir. "Excited na ba kayo bukas?"

"Kabaligtaran, Kuya Albir," sagot nung tatlo habang agresibo na ngumangatngat ng french fries..

"Okay lang 'yan basta pag nasa stage na kayo, tatagan niyo yung loob niyo, sa competition dapat may confidence kayong dala-dala,"

"Thank you sa advice na 'yan, Kuya Albir! By the way, asa'n pala sila Lucas saka sila Kuya Aldrin?" nagtatakang tanong ni Meane at lumingon pa sa paligid, nagbabakasakaling makita sila Kuya pero nabigo lang siya

"Oo nga. Pinuntahan niyo na ba kanina?"

"Yeah! May klase pa daw sila eh.."

Nagpatuloy na lang ako sa pagkain at napasulyap nanaman doon sa dalawa na hindi padin nag-iimikan.

"Oh, kayong dalawa d'yan? Ang tahimik niyo 'ata? Nung monday pa kayo, ah!" kompronta ni Julzia habang punong-puno ng pagkain ang bibig niya, hindi naman sumagot si Irene.