[Unicode + Zawgyi ]
"ပူတယ်"
Chanyeol နားထဲကြားလာရတဲ့အသံနဲ့အတူ မှန်ကိုကြည့်မိတော့ အနောက်ခန်းကနေထထိုင်လာတဲ့လူတစ်ယောက်ကိုတွေ့သည်။
ချက်ချင်းကားကိုလမ်းဘေးထိုးရပ်လိုက်တာကိုယ်ကရှေ့ကိုစိုက်ကျသွားပြီး အနောက်ကလူကထိုင်ခုံအောက်ပြုတ်ကျသွားသည်။
"အား ယား ယား.. ငါ့တင်ပါးလေးနာသွားပါပြီ"
"မင်း! !! မင်းကဘယ်လိုလုပ်ပြီး ငါ့ကားထဲရောက်နေတာလဲ"
အရက်ကြောင့်ရဲနေတဲ့ပါးပြင်နှစ်ခုနဲ့ ရီဝေစွာကြည့်လာပြီးရယ်ပြနေတဲ့Baekhyunကို Chanyeolမျက်မှောင်ကြုတ်ကြည့်နေသည်။
"ကားတံခါးဖွင့်ပြီးဝင်လာတာပေါ့.. ဒါလေးတောင်မသိဘူးလား"
ကားတံခါးကိုလော့ခ်သေချာချထားခဲ့တာ မှတ်မိနေတဲ့Chanyeolက Baekhyunဘယ်လိုရောက်လာလဲကိုတွေးနေသည်။
Baekhyunကတော့ တင်ပါးကိုပွတ်ကာခုံပေါ်ပြန်တက်ထိုင်လာပြီး နာသွားတဲ့တင်ပါးကြောင့် စူစူပုတ်ပုတ်နဲ့ကြည့်လာပြန်သည်။
"ငါ့မျက်လုံးထဲChanyeolပဲမြင်နေတယ်.. မင်းကဘယ်သူလဲ ငါမသိတဲ့သူဆို ငါ့အနားမလာနဲ့နော်..
ငါမူးနေတာမဟုတ်ဘူး.. ငါ့ကိုနည်းနည်းမှလာထိဖို့မကြိုးစားနဲ့"
လက်ညိုးတထိုးထိုးနဲ့ပြောချင်တာတွေပြောနေတဲ့အမူးသမားလေးကြောင့် Chanyeolမှာစိတ်ကိုရှည်ထားပေးရသည်။
"ငါ့ကိုဘယ်ခေါ်သွားမလို့လဲ.. ငါမမူးဘူးနော် အခုချက်ချင်းကားရပ်"
"အမူးသမားလေးရေ ကားကရပ်ထားတာသိလား
မင်းကိုလည်းဘယ်မှခေါ်မသွားဘူး မင်းပါ့မင်းပါလာတာလေ
မမူးဘူးဆိုလည်း ပေါက်ကရတွေမပြောစမ်းပါနဲ့"
"ဟင့်.. Chanyeolကိုလွမ်းသွားပြီ ငါအခုသူ့အသံတွေနားထဲကြားနေရတယ်.. Chanyeolကိုတွေ့ချင်တယ်လို့.. ငါ့အချစ်လေး တော်တော်အပေါက်ဆိုးတဲ့ငါ့အချစ်လေး.. လွမ်းတယ် လွမ်းတယ် အများကြီးလွမ်းတယ်"
Baekhyunကားထဲအော်ဟစ်နေတာကတော်တော်ဆူညံနေသည်။
Chanyeolနားများပင်ပြန်ပိတ်ရသည်အထိ ကျယ်လောင်နေတဲ့Baekhyunအသံကို ဟန့်လိုက်တာနဲ့ အော်သံကရပ်သွားသည်။
