[Unicode + Zawgyi]
ဖြစ်သွားခဲ့တဲ့အဖြစ်အပျက်တွေကြောင့် အားလုံးကBaekhyunကိုအနားယူစေသည်။
တစ်ညလုံးChanyeolကောင်းမှုနဲ့ မိုးလင်းတော့မထနိုင်တဲ့Baekhyunအတွက်အဆင်ပြေသွားပေမဲ့ Chanyeolကတော့လုပ်စရာရှိသေးတဲ့ကိစ္စတချို့ကြောင့် Baekhyunနိုးလာရင်စားဖို့အတွက်အကုန်သေချာပြင်ဆင်ပေးခဲ့ပြီး ဆေးရုံကိုသွားသည်။
Chanyeolကို သူနာပြုတစ်ချို့က သူတို့ထင်ရာမြင်ရာအမှားတွေပြောမိတာနဲ့ပတ်သက်ပြီး Baekhyunကိုတောင်းပန်စကားပြောပေးဖို့ပြောလာတဲ့အခါ ကိုယ့်အမှားကိုယ်သိရင် ကာယကံရှင်ဖြစ်တဲ့Baekhyunကိုပဲ တိုက်ရိုက်တောင်းပန်ရမည်နဲ့ ကြားထဲကနေဘာအတွက်တဆင့်ပြောစေချင်ရတာလဲဆိုပြီး ခပ်ပြတ်ပြတ်ပြန်ပြောပစ်သည်။
Chanyeolရဲ့သည်းခံနိုင်မှုက..အလိုလိုက်နိုင်မှု.. ခွင့်လွှတ်ပေးနိုင်မှုက Baekhyunအတွက်ပဲဖြစ်လို့
တခြားသူတွေအတွက်တော့ တည်ငြိမ်နေတဲ့သူ့အပြုအမူက အရင့်အရင်တွေလိုပဲပြောင်းလဲမှုမရှိတာကြောင့် အားလုံးကတော့ရှိန်နေရဆဲပါပဲ။
"Chanyeolညီ.. ဟျွန်းငယ်လေးအဆင်ပြေရဲ့လား.. တစ်ခုခုဖြစ်သေးလား"
Chanyeolလုပ်စရာရှိတဲ့ကိစ္စတွေကိုလက်စသတ်ပြီး Iced Americanoသောက်ရင်းထိုင်နေတော့ MinSeokကအနားကိုရောက်လာခဲ့သည်။
"အားလုံးအဆင်ပြေပါတယ်စီနီယာ.. သူအေးဆေးအနားယူနေပါတယ်"
"Hyungဖြင့်တော်တော်လေးစိတ်ပူသွားတာ
အခုတော့အားလုံးလည်းပြီးသွားပြီ..
သူတို့တွေအတွက်အခုအခြေအနေတွေနဲ့ကထိုက်တန်တယ်
Hyung.. ဟျွန်းငယ်ကိုမင်းနဲ့ဆိုစိတ်ချပါပြီ
ညကဟျွန်းငယ်အရမ်းကြောက်နေသေးလား.. အိပ်မက်ဆိုးတွေကောမက်သေးလား"
သူ..အိပ်ချိန်တောင်မရလိုက်ပါဘူး.. ဟဟ
Chanyeolကိုယ့်အတွေးနဲ့ကိုယ်ရှိနေပြီးမှ ရှေ့ကMinSeokရဲ့သိချင်နေတဲ့မျက်နှာကိုမြင်တော့ လည်ချောင်းတွေပါယားချင်လာသလို အမူအယာမပျက်အောင်ထိန်းလိုက်ရသည်။
"အဟမ်း...သူကောင်းကောင်းအိပ်ပျော်ခဲ့ပါတယ်စီနီယာ
အခုလည်း သူအေးဆေးအနားယူနေတာ
ကျွန်တော်တောင်ခဏနေပြန်မှာ"
