[Unicode + Zawgyi]
Chanyeolခရီးသွားမယ်ဆိုတာသိလိုက်ကတည်းက Baekhyunအိမ်မပြန်ဘဲ Chanyeolတိုက်ခန်းမှာလာနေသည်။
တစ်နေ့လုံးဆေးရုံမှာအလုပ် လုပ်ခဲ့ရလည်း ညဘက်တော်တော်နဲ့မအိပ်ဖြစ်ကြဘဲ Chanyeolကလိုအပ်တာတွေပြင်ဆင်နေချိန်ဆို Baekhyunကဘေးမှာထိုင်ပြီးကြည့်နေတတ်သည်။
Chanyeolစာဖတ်နေတဲ့အချိန်ရောက်ရင်တော့ Baekhyunကပွတ်သီးပွတ်သပ်လုပ်ပြီး စကားမပြောဘဲအနားမှာလိုက်ကပ်နေတတ်သည်။အခုလည်းစာဖတ်နေတဲ့Chanyeolကို နောက်ကနေသိုင်းဖက်ထားပြီး ပုခုံးပေါ်မေးတင်ထားကာငြိမ်နေလေသည်။
"မအိပ်သေးဘူးလား"
ညည့်နက်နေလည်းBaekhyunကအိပ်ယာမဝင်သေးဘဲ အနားမှာကပ်နေသေးတာကြောင့် Chanyeolဖတ်လက်စ စာအုပ်ကိုချကာမေးသည်။
"ဟင့်အင်း.. မင်းကမနက်ဖြန်ခရီးသွားမှာကို ငါဘယ်လိုလုပ်အိပ်ပျော်မှာလဲ
မင်းမအိပ်သေးဘူးဆိုငါကဒီတိုင်းပဲနေမှာ"Chanyeol Baekhyunလက်ကနေအသာဆွဲကာ ဘေးကိုလာစေတော့ BaekhyunကChanyeolကိုယ်ပေါ်ဝင်ထိုင်လိုက်ပြီး ပုခုံးပေါ်မှီထားနေသည်။
"မင်းတကယ်ဆိုးတာပဲ"
ရုတ်တရက်ဆိုသလိုChanyeolမှာစာအုပ်တောင်လွတ်ကျသွားပြီး ကိုယ်ပေါ်ရောက်လာတဲ့Baekhyunကို ပြုတ်မကျအောင် အမြန်ထိန်းထားလိုက်ရသည်။
"မနက်ဖြန်လည်းပင်ပန်းမှာကို စာတွေကိုအရမ်းဖတ်နေတာက အခုထိအနားမယူသေးဘူးလား"
"အခုနားပြီ.. အိပ်ကြမယ်"
"ချီသွား.. လမ်းမလျှောက်ချင်ဘူး.. မင်းချီသွားတာခံချင်လို့"
လည်တိုင်တွေကိုသိုင်းဖက်ထားပြီး ပုခုံးတွေဆီမှီထားတာလျော့မသွားတဲ့Baekhyunကိုကြည့်ရင်း Chanyeolပြုံးလိုက်ကာ အိပ်ဖို့အတွက်ချီသွားပေးသည်။
"ငါ့ကိုဖက်ပြီးအိပ်"
ကုတင်ပေါ်ချပေးလိုက်တာတောင် သိုင်းဖက်ထားတဲ့လက်တွေမဖြုတ်ဘဲနေသေးတာနဲ့ Chanyeol Baekhyunကိုသေချာကြည့်နေလိုက်သည်။
"မင်းနေကောင်းတယ်မလား"
အရမ်းကိုပိုကဲနေတဲ့Baekhyunရဲ့ လက်တွေကို ဖြုတ်လိုက်ပြီး Chanyeolစမ်းသပ်ကြည့်တော့လည်းအကောင်းမို့ စိတ်ထဲပေါ်လာတာမေးလိုက်တဲ့အခါ Baekhyunကစူပုတ်ပြီးကြည့်လာသည်။