The Seductive Doctor (Savage Beast #3)

Chapter 17

Boyfriend

Nagkulong ako sa kwarto ng buong hapon na iyon. Walang ginawa kundi umiyak habang nakasubsob sa aking kama. Ramdam ko ang hapdi dahil sa pagkakahataw sa akin ng sinturon. Hindi ko pa man nakikita ng malinaw, nasisiguro kong kitang kita iyon sa aking braso at ilang parte ng katawan. Muling pumutok ang gilid ng aking labi dahil sa malakas na pagkakasampal sa akin.

Minsa tinatanong ko din sa sarili ko kung bakit ganito kalupit si Daddy sa akin. Ginagawa ko naman ang lahat ng makakaya ko. Hindi naman ako kagaya ng iba na nagrebelde. Iyon lang ang kaya ko, sana naman kahit papaano makita niyang hindi ako nagpabaya. Hindi ang pagiging Pharmacist ang pangarap ko. Gusto kong maging teacher, gusto kong magturo. Pinilit niya akong kuhanin ang course ba hindi ko gusto ko.

Bahagya kong itinaas ang ulo ko ng marinig ko ang pagkatok sa aking pintuan. Buong akala ko, si Mommy iyon. Aaluin nanaman ako at sasabihing ayos lang iyon. Pipilitin akong maniwala na magiging ayos lang ang lahat.

"Ma'm Sera, pinapabab ho kayo ng Daddy niyo, dinner daw po"

Napairap ako sa kawalan. Wala akong ganang kumain. Ni ayoko din silang makita lahat. Pero dahil alam ko na ang kakahinatnan ko sa oras na hindi ako bumaba, pinilit ko ang sarili kong bumangon. Dahan dahan akong humarap sa aking salamin at nakita kung paano mamaga ang aking mga mata dahil sa pagiyak, ang sugat sa gilid ng aking labi at ang mahabang daan ng sinturon sa aking braso. Kitang kita iyon sa aking suot na tshirt.

"Sera..." kita ko ang pagaalala sa mga mata ni Mommy. Ramdam kong mahal niya ako pero hindi iyon sapat. Hindi niya kayang labanan si Daddy. Hindi niya kayang pigilan si Daddy na saktan ako. I hate them all!

Tumikhim si Daddy ng mapahinto ako sa paglapit sa dinning. Nakaupo na silang tatlo duon. Marahan akong naglakad palapit ay dahan dahan ding umupo sa aking pwesto.

"Kumain ka at maguusap tayo sa office ko pagkatapos" mariing sabi ni Daddy sa akin. I sense disgust in his voice. Ramdam na ramdam ko iyon dahilan kung bakit muling bumigat ang dibdib ko.

Napansin ko din ang pahapyaw na tingin ni Ate sa akin. Napanguso ako, sigurado akong siya ang nagsabi kay Daddy tungkol sa boyfriend ko. Nakita niya si Kenzo sa dorm ko kaya naman sinabi niya iyon kay Daddy. Tama siya, wala akong karapatang mag boyfriend gayong wala pa naman akong napapatunayan sa kanila. Pagaaral na nga lang ang inaatupag ko, hindi ko pa magawa.

Pero hindi ko bibitawan si Kenzo. Mahal ko siya, siya lang din ang nagmamahal sa akin. Kung bibitawan ko pa siya, baka tuluyan na akong takasan ng bait.

"Anong plano mo?"

Malamig ang kanyang boses, mariing nakatingin sa akin habang magkasiklop ang kanyang nga kamay sa itaas ng kanyang lamesa. Hindi pa ako tapos kumain dahil wala akong gana, nang tumayo siyaay kaagad niya akong ipinatawag dito sa home office niya.

"Itake ko po sa summer, Dad" paos na sagot ko. Nanatili ang aking mga mata sa sahig. Halos maubos din ang boses ko dahil sa pagiyak kanina. Pagiyak habang nagmamakaawa sa kanyang tigilan na ang pananakit sa akin.

Ngumisi siya, punong puno iyon ng panunuya. "Itake mo sa summer? Tapos bagsak ulit, Sera?" nakangising tanong niya sa akin na para bang isa iyong malaking biro sa kanya.

"Pagbubutihan ko po Da..."

"Boba! Gawin mo, sawang sawa na ako diyan sa mga palusot mo. Panay ka naman bagsak!" galit na asik niya sa akin. Sa panggigigil ay nagawa pa niyang batuhin ako ng bugkos ng papel na mula sa kanyang lamesa. Sumabog iyon sa aking mukha at dibdib at mabilis na kumalat sa sahig.

"Lumayas ka na sa harapan ko. Layas!" pagtataboy niya sa akin. Sa takot na saktan pa niya ako ulit kung magtatagal ako duon, nagmamadali akong lumabas ng kanyang office at muling nagkulong sa aking kwarto.