The Seductive Doctor (Savage Beast #3)

Chapter 36

Kamukha

"Nagmana? Sino?" nagtatakang tanong ko kay Kenzo. Mas lalong humigpit ang yakap niya sa akin. Mas lalo akong nadikit sa kanyang dibdib. Naramdaman ko ang kanyang pagiling.

"Wag mo sabihing nanunuod ka niyan. Dahil sa girlfriend mong si Kiana?" mapait na tanong ko sa kanya. Bahagya siyang natawa, nagawa pang tumawa ng gago. Hayop talaga!

"Hindi ko siya girlfriend, Sera" laban niya sa akin pero napairap ako.

Pilit akong kumawala sa kanyang yakap. Hindi matatapos ito hangga't hindi ko nalalaman kung sino ang Kianna na iyon.

"Gusto ko ng matulog" sabi ko sabag ayos ng higa. Hinayaan niya ako, nakatingin lamang siya sa akin ng umayos ako ng higa patalikod sa kanya.

Napatitig ako sa may pader. Naramdaman ko ang kanyang paggalaw, mukhang iniligpit na niya ang kanyang laptop. Lumundo ang kama ng lumapit siya sa akin, kaagad niya akong niyakap sa likod. Ramdam na ramdam ko tuloy ang hininga niya sa leeg ko.

"Let's give this marriage a shot" malambing na bulong niya sa akin. Nanatili ang braso niyang nakapulupot sa aking bewang. Hindi ko siya nilingon, nanatili akong nakatitig sa kawalan.

"Hanggang ngayon, hindi pa din ako makapaniwala na nakaya kong mabuhay ng walong taong wala ka sa akin..." marahang sabi niya. Bayolente akong napalunok.

"I lost interest in everything. Muntik ng hindi ko itinuloy ang pagdodoctor dahil gusto kong lumipat sa bussiness...baka sakaling bumalik ka" paos na kwento niya. Naramdaman ko ang pagkirot ng aking dibdib.

"Kung gusto mo ng bussinessman, pipilitin kong gustuhin iyon para hindi mo ako iwanan" pagpapatuloy pa niya.

Unti unting uminit ang gilid ng aking mga mata. Naghirap ako sa loob ng walong taon, ang daming nangyari sa akin. Halos hindi pa nga ako nakakalaya sa lahat ng nangyaring iyon. Ngayon lang sumagi sa isip kong marahil, nahirapan din si Kenzo sa mga taong iyon. Anong nangyari sa kanya?

Mas lalong humigpit ang yakap niya sa akin. Halos isubsob na din niya ang mukha niya sa aking leeg. "Miss na miss kita, Sera. Hindi na ulit tayo maghihiwalay. Hindi na ulit" madiing paninigurado niya sa akin.

Naramdaman ko ang paghalik niya sa aking ulo. Nakatulog kami na ganuon, paggising ko kinaumagahan ay nakayakap pa din siya sa akin, ang pinagkaiba nga lang ay nakayakap na din ako sa kanya pabalik.

"Morning" bati ni Kenzo sa akin pagmulat ng aking mga mata. Mukhang kanina pa siya gising at matagal ng nakatingin sa akin. Mabilis akong nagiwas ng tingin, hindi ko alam kung anong itsura ko. Baka mamaya ay may muta pa ako o kung anong dumi sa mukha.

"Morning" balik na bati ko sa kanya. Ngumiti siya sa akin, naramdaman ko ang paginit ng aking pisngi dahil duon.

"Sabay tayong maglunch mamaya? Susunduin kita, tapos ako na din ang susundo sayo. Sabay tayong uuwi" tuloy tuloy na sabi niya sa akin, hindi kaagad pumasok iyon sa aking isip. Medyo nabigla pa dahil sa mabilis na pagbabago ng lahat.

"Hindi ko naman kailangan...kung busy ka, kaya ko naman" medyo magulong sagot ko. Basta ay hindi lang ako gaanong pabor sa gusto niya. Alam kong busy din siya, oo nga't asawa niya ako pero hindi ibig sabihin ay obligasyon niyang gawin ang lahat ng iyon. May profession siyang kailangan siya. Hindi na ako makikipaglaban pa duon kagaya ng hindi na din ako makikipaglaban pa sa pwesto ni Kianna. Kung sino man siya.

Hinawakan niya ang baba ko, iginaya niya ang paningin ko paharap sa kanya. "Gusto ko Sera. Gusto kong gawin ito" paninigurado niya sa akin. Diretso ang tingin niya sa aking mga mata. Para akong nawawala dahil sa lalim nuon.