The Seductive Doctor (Savage Beast #3)

Chapter 29

No love

Titig na titig ako sa white dress na binili ni Kenzo para sa akin. Matapos ang matagal na paghahanap ay nakapili din ako. Hindi kami tumigil hangga't hindi ako nakakahanap ng dress na magugustuhan ko. Ayoko man sanang maginarte pa at magsuot na lang ng kung ano ay hindi ko magawa. Kahit civil wedding ito, it is still a freaking wedding!

"Let's go?" tanong ni Kenzo sa akin.

Nagangat ako ng tingin sa kanya. "I-ikaw?" medyo nautal na tanong ko pa. Hayop.

"A simple white button down will do. Meron na ako" sagot niya sa akin kaya naman napatango na lamang ako.

Lumabas kami ng mall. Hindi ko tuloy alam kung sasama pa ako sa kanya sa sasakyan niya o pwedeng humiwalay na ako para makauwi na.

"Dito na ako, magtataxi na lang ako" paalam ko sa kanya. Pagod na pagod na ang katawan ko. Ni hindi ko na nga siya magawang tarayan dahil wala talaga ako sa mood ngayon.

"Ihahatid kita, bukas ng umaga magpapadala ako ng mga taong pwedeng tumulong sayo na magayos. Lilipat ka sa condo ko pagkatapos ng kasal" sabi nito sa akin. Tangina, bakit nga pala hindi ko naisip iyon. Dahil ikakasal kami ay wala na din akong choice kundi ang tumira kasama siya.

"Hindi ba pwedeng sa condo ko ba lang ako?" tanong ko. Kahit alam kong impossibleng pumayag siya ay nagtanong pa din ako.

Mapanuyang siyang ngumisi sa akin. "Are you really asking me that? Sera. Magasawa na tayo pagkatapos ng kasal bukas. Then gusto mong bumukod sa akin" mapanuyang tanong niya. Naikuyom ko ang kamao ko, bwiset din ang isang ito. Pwede naman siyang sumagot ng maayos. Gago!

Bayolente akong napalunok at nagiwas ng tingin. Nagawa pa niyang humilig sa akin para mas malapitan ako. "Takot ka?" puna niya sa akin kaya naman binalingan ko siya.

"Takot saan?" matapang na tanong ko. Anong takot ang pinagsasabi ng gagong to?

Kita ko ang bayolente niyang paglunok. Dahan dahang bumaba ang tingin niya sa aking labi. Pagkatapos ay mapangakit niyang ibinalik ang titig sa aking mga mata. Tangina, halos maginig ang tuhod ko!

"Ofcourse Sera, we will do it. Kung anong ginagawa ng magasawa, gagawin natin iyon" paos na sabi niya sa akin. Hindi ko magawang lumunok, halos manuyo na ang lalamunan ko.

Inipon ko ang natitira kong lakas para itulak ang dibdib niya. Halos mapaso ako dahil kahit may damit ay ramdam ko pa din ang init ng katawan ni Kenzo. "Shut up!" asik ko sa kanya. Marami pa akong gustong sabihin pero hindi ko na itinuloy. Wala akong tiwala sa sarili ko sa mga oras na ito, baka kung ano pa ang masabi ko.

Muling ngumisi ang gago. "Let's enjoy the benefits of it..." sabi pa niya kaya naman naikuyom ko ang aking kamao.

"Mukha mo!" asik ko sa pagmumukha niya bago ko siya inirapan. Tanginang mukha yan, gwapo pero gago!

Tahimil akong buong byahe namin patungo sa condo na tinutuluyan ko. Hindi na din naman nagtangka pang magsalita si Kenzo.

"K bye" inis na sambit ko at kaagad na lumabas sa kanyang sasakyan.

Walang lingon lingon akong pumasok. Nang makarating sa elevator ay duon lamang muling bumagsak ang lahat ng luhang kanina ko pa tinatago. Hiyang hiya ako para sa sarili ko, kahit anong tago ko sa takot at hiya ay hindi ko magawa. Ibinenta ko ang sarili ko sa kanya, matapos kong piliin si Augustine kesa sa kanya. Matapos kong ipamukha sa kanyang may gusto kong maikasal sa isang bussinessman kesa sa kanya. Heto ako at nabili niya na, walang kahirap hirap.