UNEXPECTED INLOVE (COMPLETED)

{Chapter 54- Problem}

Jami's POV

"Anong ginagawa mo dito?"- nababagot kong bungad kay skyler sa sala namin.

Hindi ko siya inaasahang pupunta pa siya rito sa bahay.

Naupo ako sa single sofa sa harapan niya. Kagigising ko lang at hindi niya ako masisisi na harapin siyang ganito dahil ang aga niya. Tsk. Wala sa usapan naming maaga kaming aalis o susunduin niya ako.

Wala din akong ideya kung saan kami pupunta.

"Anong 'anong ginagawa mo dito'?"- untag niya na nakakunot nuo na. "Diba sabi ko sayo kahapon na may pupuntahan tayo? Tsk. Ba't hindi ka pa nakabihis?"-  masungit na niyang puna.

Napahikab naman ako bago sumandal sa kinauupuan ko.

"Wala kang sinabi na maaga tayong aalis. Saan ba tayo pupunta?"- tanong ko.

Napairap naman ito bago sagutin ako.

"Saka ko na sasabihin. Magpalit ka na."- utos pa niya.

Magsasalita pa sana ako ng dumaan si jeigh kaso natigilan ng makita si skyler.

"Oh skyler, may lakad kayo?"- tanong nito habang sinusuklay suklay pa ang magulo niyang buhok.

"Oo eh. Kaso hindi pa naman nakakabihis."

"Naku yan pa bang babaeng yan."- komento naman ng ulupong. Sinamaan ko siya ng tingin ngunit sadyang hindi niya ako tinapunan man lang. "Hintayin mo na lang siya sa kwarto niya bro. Geh, sa dining muna ako."- paalam nito na agad namang tinanguan ni skyler.

"Oh narinig mo? Dun na lang daw kita hinatayin sa kwarto mo."- napangisi pa ang loko.

Yung kunot nuo niyang nuo kanina ay biglang nawala. Tsk.

"Ayoko. Dito mo na lang ako hintayin, mabilis lang ako."- saad ko at tumayo na ngunit natigilan din ng tumayo ang loko.

Naningkit ang mata ko. "Nakita mo na ang kwarto ko sungit kaya gusto ko din makita ang kwarto mo."- rason pa niya.

"Hindi naman ako nagpresinta na pumasok ako sa kwarto mo. Kusa mo akong pinapasok."

"Eh pareho din yun! Tsk. Huwag ka ng mahiya sakin sungit. Boyfriend mo na ko kaya lahat ng sa iyo ay dapat makikita ko."

Susuwayin ko pa sana siya ng lumapit na ito sakin at saka hinila na pataas ng hagdan.

Aba, siya pa talaga ang mauuna. Kung makahila tong kumag na ito parang feel at home. Tss.

"Saan na ang kwarto mo?"- tanong niya ng maka akyat kami sa ikalawang palapag.

Inirapan ko lang naman siya tapos ako na ang nauna sa paglalakad. Hawak pa din ni skyler ang kamay ko na para bang kapag binitawan niya ay mawawala siya.

Tumigil lang ako ng nasa tapat na kami ng kwarto ko. Binuksan ko yun gamit ang isa kong kamay pagkatapos ay tinulak ang pinto.

"O, magsawa ka."- napapairap kong saad at siya pa talaga ang naunang pumasok.

Hindi naman kalakihan ang kwarto ko ng gaya sa kaniya. May malaking kama ako sa gilid, naka blue carpet lang ako tapos may maliit na veranda sa kanan. May cr din ako at cabinet na lagayan ng damit ko. May study table naman sa kaliwa ko at yung gitara ko naman ay nakasabit lang.