Flame Armor [ 火焰戎装 ]

Chapter 20

[ Unicode ]

မ​နေ့ညက ​ပေကျင်းမှာ သည်းသည်းမည်းမည်း ရွာသွန်း​သောမိုးက ​နွေ​နှောင်းပိုင်းနှင့် ​ဆောင်းဦးပိုင်း၏ ပူပြင်းလှ​သောအပူချိန်ကို ငြိမ်းသတ်လိုက်ပြီး ကမ္ဘာတစ်ခုလုံးအသစ်​ ပြန်စတင်သွားသလို။

မိုးရွာပြီး ရာသီဥတုအ​ခြေအ​နေက အလွန်​အေးစိမ့်​နေကာ စခန်းတစ်ခုလုံးက​တော့ လာမယ့်နှစ်ပတ်လည်ပွဲအတွက် ပြင်ဆင်ကြဖို့ အားကစားကွင်းထဲမယ် ​လေ့ကျင့်​ရေးဆင်း​နေကြသည်။

အရင်ပြိုင်ပွဲ​တွေမှာဆိုရင်​တော့ဖြင့် ရန်ရိ ပြိုင်ပွဲအသစ်အသစ်​တွေနဲ့ အဖွဲ့လိုက်ပြိုင်ပွဲ​တွေ ပြသမှာဖြစ်​သော်လည်း စခန်း​ခေါင်း​ဆောင်တစ်​ယောက်ဖြစ်လာကတည်းက သူ့မှာ​လေ့ကျင့်​ဖို့အချိန် များများစားစားမရှိ။

ပြီး​တော့လည်း သူ အသက်နှစ်ဆယ်အရွယ် လူငယ်​လေး​တွေနဲ့ပြိုင်မယ်ဆို​တော့ မသင့်​တော်​ချေ။

သို့​သော် သူနဲ့ ချွီယန်​ပေါင်က စု​ပေါင်းအင်အားကိုပြသဖို့ရာအတွက် အဖွဲ့လိုက်ပြိုင်ပွဲအချို့မှာပါ၀င်ကြမည်။

ထိုအချိန်၌ ရုတ်တရက် သတိ​ပေးချက်ထမြည်​လေ၏။

ရန်ရိ တိုက်ခိုက်​ရေး၀တ်စုံကို၀တ်ကာ ​​လေ​ထောက်ပံ့​ရေးကိရိယာများသယ်​ဆောင်ထားကြလျက် အ​လေးချိန်ခုခံ၍အ​ပြေး​လေ့ကျင့်​ရေး လုပ်​ဆောင်​နေကြသည့် တပ်သားများကို ကြည့်လိုက်သည်။

သူရယ်ကျဲကျဲလုပ်ကာ ​ပြောလိုက်၏။

" သွားကြမယ် အ၀တ်လဲစရာမလို​တော့ဘူး "

လူအစုလိုက် ကားဂို​ဒေါင်ဆီ​ပြေးသွားကြပြီး ဂျူတီကျအ​ရေး​ပေါ်၀န်ထမ်းက ရန်ရိဆီ ​ပြေးလာလျက် မီးအ​ကြောင်း အစီရင်ခံသည်။

" ​ခေါင်း​ဆောင် ​မြေ​အောက်ဖြစ်စဥ်ကြောင့် မိလ္လာတွင်းအဆိပ်သင့်​သွားတာပါ "

ရန်ရိ ​အော်လိုက်သည်။

" အ​ရေး​ပေါ် ၀တ်စုံလဲကြ ! "

တပ်သားများ ​အော်ကြဟစ်ကြရင်း အ၀တ်အမြန်လဲကြ၏။

သူတို့တာ၀န်ထမ်း​ဆောင်ဖို့သွားရချိန်၌ မကြာခဏအများဆုံး၀တ်​လေ့ရှိ​သော ၀တ်စုံနှစ်မျိုးရှိသည်။