{ Unicode }
ကုံးဖေးလန် ဝမ်းမနည်းအောင်လုပ်ဖို့ရာ သူတို့ပြောထားတဲ့အတိုင်း အကုန်လုံးပြောင်စင်နေအောင် စားပေးရသည်။ ရန်ရိ ရှုပ်ပွပေကျံနေတဲ့ ဖက်ထုပ်ပုံအချို့ရိုက်လိုက်ပြီး ကုံးရင့်ရှန့်ဆီ စာနှင့်တကွပို့လိုက်သည်။
- ဒေါက်တာကုံးရဲ့ ဧည့်ခံမှုအတွက် ကျေးဇူးပါပဲ -
နောက်တစ်နေ့မှာ ရန်ရိ မျက်နှာပြောင်တိုက်ပြီး ဟုန်းဝူဌာနခွဲကိုသွားပေမယ့် သူကုံးရင့်ရှန်ကို စာပို့ဖို့ဘာမှစဉ်းစားမရသောကြောင့် မပြောဘဲနဲ့သာ သွားလိုက်သည်။
မသွားခင် ရန်ရိ ထန်ဟောက်ချွမ်ကို သေသေချာချာ ချဉ်းကပ်ပြီး ကုံးရင့်ရှန်ဌာနခွဲမှာရှိကြောင်း အတည်ပြုလိုက်သေး၏။ သို့ပေမယ့် သူဌာနခွဲကိုရောက်တော့ ကုံးရင့်ရှန် သူ့စားပွဲမှာရှိမနေချေ။
ထန်ဟောက်ချွမ်ဖြတ်သွားရင်း ရန်ရိကိုမြင်တော့ ပြေးလာသည်။
" ခေါင်းဆောင်ရန် ဒေါက်တာကုံးမရှိဘူးလား? ထူးဆန်းတယ် ခုနကပဲရှိသေးတာကို "
ရန်ရိ သူ့ဘာသာတွေးကြည့်လိုက်သည်။ ကုံးရင့်ရှန် သူ့ကိုတမင်တကာ ပုန်းနေတာမဖြစ်လောက်ဘူး၊ သူလာမှန်းသိမှမသိဘဲ။
" ကျွန်တော်မေးကြည့်ပေးမယ် "
ထန်ဟောက်ချွမ် လုပ်ဖော်ကိုင်ဖက်တစ်ယောက်နဲ့ စကားပြောဖို့သွားသည်။
ခဏနေတော့ သူပြန်လာပြီး
" ဒေါက်တာကုံး ခုနကပဲ လေ့ကျင့်ကွင်းမှာ သေနတ်ပစ်ကျင့်ဖို့သွားတယ်၊ ကျွန်တော် ခေါင်းဆောင်ကို ခေါ်သွားပေးမယ်၊ ကျွန်တော်တို့ သေနတ်လေ့ကျင့်တဲ့နေရာကို မတွေ့ဖူးဘူးမလား? "
" သွားရအောင်၊ ငါမတွေ့ဖူးသေးဘူး "
နှစ်ယောက်သား လမ်းလျှောက်စကားပြောရင်း ထန်ဟောက်ချွမ်က dark web ပေါ်မှာ သူတို့နှစ်ယောက်အတွက် ဆုကြေးထုတ်ထားတာကို သိချင်နေဆဲဖြစ်ပြီး ရန်ရိကို အခုတလောလုံခြုံရဲ့လားလို့ မေးလာသည်။
" စိတ်မပူပါနဲ့ ဘာမှမဖြစ်ဘူး "
" ကောင်းတာပေါ့၊ ဝမ်ရမ့်အဆောက်အအုံမီးလောင်တဲ့အမှုလည်း တိုးတက်မှုရှိပုံပဲ "
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...