Flame Armor [ 火焰戎装 ]

Chapter 55

Wed, Aug 18, 2021

{ Unicode }

နေ့လယ်စာစားပြီးတော့ စွန်းတင့်ရိက ကတ်ကစားချင်ပေမယ့် ရန်ရိမသွားလိုက်။ တ‌စ်မှေးလောက်အိပ်ဖို့ အဆောင်ပြန်ခဲ့သည်။ အိပ်တော့လည်း နှစ်နှစ်ခြိုက်ခြိုက်အိပ်မပျော်ပေ၊ သူဖုန်းထုတ်ပြီး တိတ်တဆိတ်ခိုးရိုက်ထားတဲ့ ကုံးရင့်ရှန်ဓာတ်ပုံကိုဖွင့်လိုက်သည်။ ပြီးတော့ ရူးရူးမိုက်မိုက်ပျော်ရွှင်စွာ အချိန်အကြာကြီး ကြည့်နေမိသည်။

တကယ်တော့၊ သူကုံးရင့်ရှန်နဲ့ တကယ်ဓာတ်ပုံအတူရိုက်ချင်သည်။ ယောက်ျားကြီးနှစ်ယောက် selfie အတူဆွဲတော့မယ်ဆိုရင် သူဘယ်လိုဆင်ခြေမျိုးရှာသင့်လဲ......

စဉ်းစားရင်း သူနည်းနည်းအိပ်ငိုက်လာသည်။ မှေးခနဲအိပ်ပျော်သွားရုံပဲရှိသေး သတိပေးချက်မြည်လာ၏။ သူရုတ်တရက်မျက်လုံးဖွင့်ပြီး အိပ်ရာ‌ပေါ်ကလှိမ့်ဆင်းကာ အောက်ထပ်သို့အပြေးသွားလိုက်သည်။

" ခေါင်းဆောင်၊ ကျစ်ရှင်းအဆောက်အဦးက လူတစ်ယောက်ခုန်ချတော့မယ်တဲ့ "

" ကြည့်ကြည့်ရအောင် "

ရန်ရိစဉ်းစားလိုက်သည်။ ကျစ်ရှင်း‌အဆောက်အဦးက ဟုန်းဝူဌာနခွဲနဲ့မျက်နှာချင်းဆိုင်ပဲ၊ ရဲဌာနအပေါက်ဝဆီလာပြီး ခုန်ချတယ်၊ အဲ့လိုလူအများစုက လိုချင်တဲ့စရာကိစ္စတွေရှိပြီး တကယ်မသေချင်ကြပေ။

သုံးသပ်ချက်က ထိုကဲ့သို့ဖြစ်နေသော်ငြား ရန်ရိမျက်ကွယ်မပြုရဲ၊ သူကားထဲဝင်ပြီး အမြန်ဆုံးနှုန်းနဲ့ အခင်းနေရာသို့ အပြေးသွားလိုက်သည်။

လမ်းမှာ ရန်ရိအခြေအနေမေးရအောင် ကုံးရင့်ရှန်ကို ဖုန်းခေါ်ချင်ပေမယ့် ချိုးယန်ဖုန်းနံပါတ်က အရင်ခေါ်လာခဲ့သည်။

" ဟေး ခေါင်းဆောင်ချိုး "

" ခေါင်းဆောင် ရှင်တာဝန်ရလား? "

" ရတယ် ဘာကိစ္စများလဲ? "

ချိုးယန် ခါးသက်သက်ပြုံးလိုက်ပြီး

" ကျေးဇူးပြုပြီး မြန်မြန်လာပေးပါ၊ ဒီကိစ္စက ကျွန်မတို့အပေါ် တစ်ခုခုဆိုကျိုးသက်ရောက်မှုရှိတယ်၊ ပြီးတော့ ရဲမှူးလည်းဒေါသထွက်နေပြီ "