[ Unicode ]
ကျောင်းကဖွင့်တော့မည်။
နှစ်စဥ် ကျောင်းမဖွင့်ခင် နွေရာသီတိုင်း ရန်ရိက သူ့နယ်မြေထဲမှာရှိတဲ့ ကျောင်းတွေကို ကျပန်းမီးစစ်ဆေးရေးလုပ်ဖို့ ဦးဆောင်ရသည်။
စခန်းက မကြာသေးခင်ကမှ အရမ်းအလုပ်ရှုပ်လာပြီး သူ့မှာ ဘားမီးလောင်မှုကိစ္စ ခရီးပေါက်မပေါက်ကို အာရုံထားဖို့အချိန်မရှိပေ။ချွီယန်ပေါင်က သူ့ကို အစီရင်ခံစာတွေအပ်ဖို့အတင်းမတောင်းသေးခင်အထိ သူ့မှာမရေးရသေးတဲ့အစီရင်ခံစာတွေရှိသေးမှန်း သတိမရ။
သူ့ခမျာ ကျောင်းမဖွင့်ခင် အိမ်စာအသည်းအသန်လုပ်ရတဲ့ ကျောင်းသားလို၊ သူ့ကိုယ်သူရုံးခန်းထဲပိတ်ကာ နာနာကျင်ကျင်ဖြင့်ပင် ထိုင်ရေးရတော့သည်။အစီရင်ခံစာအားလုံးပြီးသွားတော့ သူနောက်တစ်ခေါက် ပြန်
စစ်ရသည်။စာသားဖြင့်ဖော်ပြခြင်းအပြင် အစီရင်ခံစာတစ်ခု၌ အမြဲတမ်း အဆွဲအသားသည်လည်း ပူးတွဲပါ၀င်ရ၏။
မတော်တဆမှုက ပိုကြီးပြီး ပိုရှုပ်ထွေးလေလေ ထည့်သွင်းဖော်ပြရသည့် ရုပ်၀တ္ထုပိုများလေလေ။
မတော်တဆမှုဖြစ်ရာအဆောက်အဦအခင်းအကျင်းနှင့် ပတ်၀န်းကျင်ပြပုံ၊
မီးသတ်ကားနေရာချထားသည့်ပုံ ပြီးတော့ မီးသတ်ပိုက်များ ဦးတည်တပ်ဆင်ထားသည့်ပုံ၊ အဖွဲ့တစ်ခုစီ အခင်းနေရာသို့၀င်ရောက်လာပုံ၊ လမ်းမြေပုံ စသည်များနှင့်အတူ ကယ်ဆယ်ရေးတွင် ပါ၀င်သူအားလုံး
၏ အင်တာကွန်းအသံသွင်းမှတ်တမ်း၊ ဖြစ်စဥ်ဓါတ်ပုံအမြောက်အများနှင့် ဗီဒီယိုများ စသဖြင့် ထည့်သွင်းဖော်ပြပေးရသည်။
သေချာတာပေါ့ ဒီမှတ်တမ်းတွေကို သူစီစဥ်တာမဟုတ်ဘူး။
သို့ပေမယ့် ပင်တိုင်အဖွဲ့ကတော့ မှတ်တမ်းတင်ခြင်းနဲ့ အကျဥ်းချုပ်ဖို့ရာ တာ၀န်ရှိပြီး တပ်ဖွဲ့ခေါင်းဆောင်ကတော့ ပြန်လည်လေ့လာခြင်းနှင့် အကျဥွ်းချုပ်ရေးသားရသည်။ရန်ရိ တစ်မျက်နှာချင်းစစ်ကြည့်သည်နှင့်အမျှ ဓါတ်ပုံတစ်ပုံက ဖန်သားပြင်ထက် ဖြတ်ခနဲပေါ်လာလျက်။
သူ မျက်မှောင်ကြုတ်ကြည့်လိုက်ပြီး ရင်ထဲ၌ ထူးဆန်းသောခံစားချက်ဖြစ်ပေါ်လာကာ သူစာမျက်နှာအတော်များများလှန်ပြီးသော်လည်း မနေနိုင်ဘဲ ပြန်လှန်ကြည့်မိသည်။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...