Flame Armor [ 火焰戎装 ]

Chapter 39

{ Unicode }

မီးသတ်ကား အခင်းနေရာကိုရောက်တော့ ရန်ရိကားထဲမှာပဲထိုင်ရင်း အဝေးကနေ တိမ်းမှောက်နေသော ‌ကုန်တွဲယာဉ်နှင့် မြေပြင်ပေါ် လဲကျနေသော ပုံပျက်နေသည့်ကားခေါင်းကိုကြည့်ကာ သူ့ဦး‌ရေခွံတစ်ခုလုံး ထုံကျဉ်သွားရသည်။

သူ အင်တာကွန်းကနေတစ်ဆင့် ရှေ့တန်းထွက်လာသော တပ်သားအားလုံးကို ညွှန်းကြားလိုက်သည်။

" ကားထဲကမထွက်ခင် Mask တွေတပ်ကြ "

" ဟုတ်ကဲ့ "

ကုန်တွဲယာဉ်တိမ်းမှောက်သွားတာက အခင်းနေရာကကြည့်ရင် မသိသာပေမယ့် သတင်းပေးချက်အရတော့ ရုတ်တရက်လမ်းလွဲသွားတဲ့ လျှပ်စစ်ကားကို တိမ်းရှောင်လိုက်တာကြောင့်ဟုဆိုကာ လျှပ်စစ်ယာဉ်ကတော့ ပျောက်ချင်းမလှ ပျောက်သွားခဲ့သည်။ ကုန်တွဲယာဉ်မှာ ဓာတုပစ္စည်းတွေပါတဲ့ သတ္တုပုံးပေါင်း ၂၀ ကျော်ပါရှိပြီး ထိုအချိန်က မြေပြင်ပေါ် လိမ့်ကျသွားတာကြောင့် အမျိုးအမည်မသိသော အရည်များ ယိုစိမ့်သွားပြီး မြေပြင်နှစ်နေရာ၌ မီးတောက်နေသည်။

[ T/n : အဲ့လိုကားကြီး မှောက်တာပါ။ သိုလှောင်ပုံတွေဆိုတာ အဲ့လိုတင်ထားတဲ့ပုံးတွေပါပဲ]

ကားတစ်စီးက နောက်မှဝင်ဆောင့်မိသွားပြီး ပတ်ဝန်းကျင်က လူတွေနဲ့ ယာဉ်တွေက ‌ခပ်ဝေးဝေးမှာ ရှောင်နေကြသော်လည်း ယောက်ျားတစ်ချို့က နောက်ကတိုက်မိတဲ့ကားမှန်ကို ခွဲဖို့ကြိုးစားနေကြသည်။