Flame Armor [ 火焰戎装 ]

Chapter 53

Sun, Aug 15, 2021

------------

{ Unicode }

ရန်ရိက စိတ်မရှည်တော့သည်ပုံနှင့်

" ဒီနေ့ တကယ်အလုပ်ရှုပ်တဲ့နေ့ပဲ၊ ဘယ်အချိန်ရှိပြီတုန်း၊ ရင့်ရှန် ငါတော့မင်းဒီမှာပဲ အချိန်ဖြုန်းနေသင့်တယ် မထင်ဘူး၊ မနက်ဖြန် အခြားအိမ်ရှင်တွေကို စစ်မေးရဦးမယ် "

ကုံးရင့်ရှန် ရန်ရိကို သေချာပြန်ကြည့်လာပြီး ခေါင်းညိတ်သည်။

" ဟုတ်တယ် "

သူ notebook ကိုပိတ်လိုက်ပြီး

" အမျိုးသမီးပိုင်၊ ဒီနေ့ အနှောင့်အယှက်ပေးမိတယ်၊ ပြန်လိုက်ပါတော့ "

အမျိုးသမီးပိုင်က ခေါင်းမော့ပြီး သူတို့နှစ်ယောက် မတ်တပ်ရပ်လိုက်တာကို တအံ့တဩ ကြည့်လာသည်။

ရန်ရိနောက်လှည့်ပြီး ကုံးရင့်ရှန်ကို တိုးတိုးကပ်ပြောလိုက်သည်။

" 2207 အိမ်ရှင်က အနာဂတ်ကောင်းလိုချင်တဲ့ လူငယ်ပဲ၊ သူမထက်အရင် ထုတ်ပြောလာလောက်တယ် "

ကုံးရင့်ရှန်က အတည်အတံ့ခေါင်းညိတ်ပြပြီး ရှေ့ဆက်သွားသည်။

" ခဏ ခဏလေးနေပါဦး "

အမျိုးသမီးပိုင်က လှမ်းအော်သည်။

" မင်းတို့ငါ့ကို အကြာကြီးစောင့်ခိုင်းထားပြီးတော့ အခုပြန်ရတော့မှာလား? "

" အမျိုးသမီးပိုင် ခင်များကဘာမှမပြောချင်‌ဘဲ၊ တစ်ယောက်အချိန်တစ်ယောက် ဖြုန်းနေတယ်၊ နောက်ကျနေပြီ၊ အားလုံးပြန်ရတော့မှာ "

" နေဦး! "

အမျိုးသမီးပိုင်က တွန့်ဆုတ်ဆုတ်နဲ့ ပြောလာသည်။

" ငါသိသမျှအကုန်ပြောပြမယ်ဆိုရင် လုပ်မှာ....မဟုတ်ဘူး၊ ငါ့ကိုပြစ်ဒဏ်မချဘူးမလား? "

" အဲ့တာက ခင်များအမှုမှာ ဘယ်လောက်ပူးပေါင်းလဲဆိုတာပေါ် မူတည်တယ် "

" ငါအမှိုက်ပဲ ပစ်ခဲ့တာပါ၊ ဘာမှမလုပ်ဘူး "

ကုံးရင့်ရှန်နဲ့ ရန်ရိ အချင်းချင်းကြည့်လိုက်ပြီး

" သွားရအောင် "

" ငါတို့ကို အမှိုက်ပစ်ခိုင်းတာ ရှောင်ဖုန်ပဲ! "