Tue, Sep 28, 2021
{ UNICODE }
ချိုးယန် တွေးလိုက်သည်။
" ဇူယန့်က အရင်တုန်းက တရားခံမဟုတ်ဘူးဆိုရင်၊ သူဘာလို့ ငှက်မျက်နှာဖုံး တပ်ထားတာလဲ? "
သူ တစ်ခုခုတွေးမိသွားပုံပေါ်ပြီး
" ရင့်ရှန်၊ သူမျက်နှာဖုံးတပ်ထားတာက မင်းနဲ့ မင်းအတွေးကို ဖျက်ဆီးချင်လို့ဖြစ်ရမယ် "
ကုံးရင့်ရှန်မျက်လုံးများ ပြောင်းလဲသွားသည်။
" ဟုတ်တယ်၊ ဟုတ်တယ်! Video အစကတည်းက သူ ကျွန်တော်တို့ကို စကားပြောသလိုလေသံမျိုးနဲ့ ရှင်းပြလာတာ၊ မျက်နှာဖုံးပဲဖြစ်ဖြစ်၊ သူပြောတာပဲဖြစ်ဖြစ်၊ အဲ့တာက သူ ကျွန်တော်တို့ကို ပစ်မှတ်ထားနေသလို ခံစားရစေတယ်၊ သူကကျွန်တော်တို့ကို လက်တုံ့ပြန်ပြီး၊ စစ်ကြေညာနေတာပဲ၊ ဒါပေမယ့် ဒါက သူကျွန်တော်တို့ကို ခေါင်းရှုပ်ထွေးအောင်လုပ်ပြီး ကျွန်တော်တို့ အတွေးတွေကို ထိန်းချုပ်လိုက်တဲ့ ရည်ရွယ်ချက်ပဲ ဖြစ်လောက်တယ်၊ တကယ်တော့ ကျွန်တော်တို့ သူ့လှုံ့ဆော်မှုက ဘာဆိုတာ ဘယ်တုန်းကမှနားမလည်ခဲ့ဘူး "
ရန်ရိ ခပ်တိုးတိုး ထပ်ရေရွတ်လိုက်သည်။
" လှုံ့ဆော်မှု....."
" အဲ့တာ လက်စားချေတာလား? ရန်စတာလား? ဒီတိုင်း ရိုးရိုးပဲ ပြစ်မှုကျူးလွန်ချင်တာလား? "
ချိုးယန် မျက်မှောင်ကြုတ်သွားပြီး သူ့ကိုယ်သူ ပြန်မေးလိုက်သည်။
" သူ့စေ့ဆော်မှုက ဘာလဲ? "
" Prometheus, သာသနာပြု၊ မီး၊ ပရေရီမြက်ခင်း မီးလောင်မှု...."
ကုံးရင့်ရှန်က ဇူယန့် video ထဲမှာပြောခဲ့တဲ့ စကားတွေကို ပြန်ရွတ်လိုက်ပြီး၊ အတွေးနက်သွားသည်။
လူတိုင်းက လက်ဝယ်ရှိနေတဲ့ မေးခွန်းရဲ့အဖြေကို ရှာထုတ်ဖို့ အချိန်ကိုအံတုနေကြရသည်။ ရန်ရိ တစ်ဖက်နဲ့တစ်ဖက် အပြန်ပြန်လမ်းလျှောက်ရင်း၊ အချိန်ကိုပဲ ကြည့်ကြည့်နေကာ၊ အခုအချိန် သူဘာမှမစွမ်းနိုင်တာကို စိတ်တိုနေပြီး၊ စက္ကန့်တိုင်း ကုန်ဆုံးသွားသည်ကို စိုးရိမ်ထိတ်လန့်မှု အဆက်မပြတ်ခံစားနေရသည်။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...