[ Unicode ]
' ခြေထောက်ဖြတ်ရမယ် ' ကြားတော့ ဆူညံနေတဲ့နေရာက ချက်ချင်းကို ငြိမ်ကျသွားပြီး အားလုံး အံ့အားသင့်သွားကြသည်။
အတွင်းကြေလူနာက ခေါင်းတို့ ခန္ဓာကိုယ်တို့လို သေစေနိုင်တဲ့ အင်္ဂါအစိတ်အပိုင်းတွေကို မထိခိုက်မိတာကြောင့် အသိစိတ်ရှိနေပြီး ကောင်းကယ်စကားကိုကြားတော့ စိတ်လှုပ်ရှားပြီး ရုန်းထလာသည်။
" မ....မဟုတ်ဘူး..."
ရှစ်ရှောင်ချန့်က ရှောင်ဝမ့်ကိုပြန်လှဲချပေးသည်။
" ကျေးဇူးပြုပြီး မလှုပ်ပါနဲ့ "
" ဟင်အင်း...ခြေထောက်မဖြတ်ဘူး..."
ရှောင်ဝမ့်က ကြောက်လန့်တကြားအော်ပြောသည်။
" ကျွန်တော်ခြေထောက်တွေမရှိဘဲ မသက်မရှင်နိုင်ဘူး..."
ရန်ရိ ရှောင်ဝမ့်ဘေးမှာ ဆောင့်ကြောင့်ထိုင်လိုက်ပြီး သွေး နဲ့မျက်ရည်ရောထွေးနေတဲ့ မျက်နှာလေးကိုကြည့်လိုက်တော့ ထိုရှုံ့မဲ့နေတဲ့ မျက်နှာမှာ စိတ်ပျက်အားငယ်ခြင်းများ ပြည့်နှက်နေသည်။ သူ ရှောင်ဝမ့် ပခုံးတွေကိုကိုင်ရင်း ညင်ညင်သာသာပြောလိုက်သည်။
" ဟုန်းဝူဆေးရုံက ခွဲစိတ်ဆရာဝန် လမ်းမှာလာနေပါပြီ၊ နောက်ဆုံး ဆုံးဖြတ်ချက်ကိုတော့ သူပဲချပါလိမ့်မယ် "
ရှောင်ဝမ့်က ရန်ရိအင်္ကျီစကိုဆွဲရင်း သနားစဖွယ်ပြောလာသည်။
" ကျွန်တော့်ခြေထောက်တွေ မဖြတ်ပစ်ပါနဲ့၊ ကျွန်တော်အခုမှ အသက် ၂၀ ပဲရှိသေးတယ်၊ ခြေထောက်တွေမရှိလို့မဖြစ်ဘူး.....ကျေးဇူးပြုပြီး ကျွန်တော့်ကယ်ပါ.....ကယ်ပေးပါဗျာ...."
ရန်ရိ သူ့နားထင်တွေကိုက်လာပြီး၊ နှာခေါင်းလည်းထုံလာသလို ခံစားရသည်။ သူ နက်နဲသောလေသံဖြင့် ပြောလိုက်၏။
" မင်းအခုမှအသက် ၂၀ ပဲ ၊ ပြီးတော့ ဘဝခရီးလမ်း အရှည်ကြီးရှိသေးတယ်၊ ခြေထောက်မရှိတော့ရင်တောင် အနည်းဆုံး မင်းမှာဘဝတစ်ခုရှိနေသေးတယ်လေ "
ရှောင်ဝမ့်က ခါးသီးစွာငိုကြွေးပြီး လူတွေလည်း မလှုပ်မရှပ်ရပ်နေကြသည်။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...