Translator - Lynx | Editor - Kellow
------------------------------------------【Unicode version】
ရန်ရိ အိမ်တံခါးဝသို့ရောက်သည်နှင့် အိမ်ထဲမှ အငြင်းပွားနေကြသံများကြားလိုက်ရပြီး တံခါးဖွင့်လိုက်သည်နှင့် နာနီနှင့် သူ့အဖေ တစ်ခုခုအား ထိုးပေးလိုက်တွန်းထုတ်လိုက်လုပ်နေသည်ကို မြင်လိုက်ရ၏။
" အန်တီ ဘာဖြစ်တာလဲ? "
သူ့ကိုတွေ့လိုက်သည့်နှင့် အန်တီဝမ်ကစိတ်ဆိုးလျက်ပြောလာသည်။
" ခေါင်းဆောင် ပြန်လာပြီကိုး၊ ဒီမှာလေ မင်းအဖေက ဆေးသောက်ဖို့ငြင်းနေလို့ "ရန်ရိ ဝှီးချဲပေါ်မှလူအားလှန်းကြည့်လိုက်ပြီး သက်ပြင်းဖွဖွချလိုက်သည်။
" လောင်ရန် ဗိုက်မကောင်းရင်လည်း ဘာလို့ဆေးမသောက်တာတုန်း?"
【T/N :老任 → Lāo Ren→ လောင်ရန် →Old Ren】
" ဒါကဆေးသုံးကြိမ်မြောက်ရှိပြီ ငါမသောက်ဘူးဆိုမသောက်ဘူးပဲ "
ရန်ရှန့်ရုန် စိတ်လှုပ်ရှားစွာနဲ့ အန်တီဝမ်လက်ထဲကဆေးကို ပုတ်ထုတ်လိုက်သည်။
ဆေးဘူးကား ကြမ်းပြင်ထက်သို့ကျသွားကာ ဆေးများသည်လည်း ပြန့်ကျဲကုန်၏။
အန်တီဝမ်က အကူအညီမဲ့စွာခေါင်းရမ်းသည်။
ရန်ရိ အန်တီဝမ်အား စိတ်လျှော့ပါဟူသော
အကြည့်ဖြင့်ကြည့်လိုက်ပြီး နှစ်ယောက်သား သန့်ရှင်းရန်ထိုင်လိုက်ကြသည်။ဘာမှမဖြစ်ခဲ့သည့်အတိုင်း ရန်ရှန့်ရုန်သည် ရန်ရိအားမေးလာ၏။
" ဒီနေ့ဘာလို့ ကျောင်းကအစောကြီးပြန်လာတာလဲ?"
" မှောင်နေပြီလေ နောက်ကျနေပြီ "
ရန်ရိ နူးညံ့စွာပြောလိုက်သည်။
" အန်တီ ဒီနေ့အိမ်ပြန်သင့်တယ် "
" ညစာကအဆင်သင့်ပဲ ပန်းကန်ထဲထည့်ထားတယ် အဲ့တာဆိုပြန်ပြီနော် "
အန်တီဝမ် သူ့ကိုငဲ့ကြည့်လိုက်ကာ စကားရပ်လိုက်ပြီး နောက်ဆုံးသူမဖိနပ်များစီး၍ ထွက်သွားတော့သည်။
ရန်ရှန့်ရုန် သူခြေထောက်များအားပုတ်လိုက်ပြီး သူ့ကိုယ်သူပြောနေခြင်းလား ရန်ရိအားပြောခြင်းလား မသဲကွဲသောအသံဖြင့်ပြောသည်။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...